Brekkane Bustadfelt

«Kongsvik» – Einebustad i kjede med moglegheit for hybelleiligheit

«Kongsvik» er ein moderne, kompakt og vedlikehaldsvenleg einebustad over to plan. Med store vindaugsflater og moderne preg, er den ideell for sunnmørslandskapet.

Lys einebustad tilpassa for eit liv i forandring
Første etasje har ein romsleg entrè med moglegheit for klesoppheng og garderobeskap. For å utnytte plassen, finst det også løysingar for garderobe, bod eller kontor under trappa. Avhengig av om du ynskjer å gå for ei løysing med hybelleiligheit, har du to eller tre soverom og bad med opplegg for vaskemaskin og tørketrommel. Ynskjer du ikkje hybel, er det mogleg å tilpasse etasjen med litt større eller til og med eit ekstra soverom.

I andre etasje kjem du opp i ei flott stove med ope kjøkenløysing, store vindaugsflater og god takhøgde. I denne etasjen finn du også eit romsleg «master»-soverom og stort bad med opplegg for vaskemaskin og tørketrommel.

Flotte solforhold og utsikt
Frå kjøkenet er det utgang til ein stor vestvendt terrasse over garasjen. Her kan du nyte sola og utsikta mot fjord og fjell. Husa er skråstilte på tomta, slik at alle bustadane skal få tilgang til sola og få minimalt med innsyn frå naboen.

Tomt
Eigd tomt på omlag 440 kvm. Endeleg areal vert målt opp før signering av kontrakt.

Meld interesse for tilvalsmoglegheiter og stå først i køen til å velje bustad

Er du tidleg ute og melder interesse får du moglegheit til å påverke fleire tilval, blant anna kjøkken og oppvarming av bustaden. Du får også fordelen av å stå først i køen. Vel bustadplasseringa som «alle» vil ha. Ta kontakt for ein uforpliktande samtale og få meir informasjon.

Når du bygger ein heilt ny bustad får du også fleire fordelar, som:

• Ingen har budd der før – bli den første som bur seg inn i bustaden
• Alt er nytt! Som betyr mindre vedlikehald og null oppussing
• Null stress med bodrundar
• Spar pengar på ein energieffektiv bustad og låg dokumentavgift
• 5 års reklamasjonsrett

Materiale av kvalitet

Generelt vert det nytta materiale av høg kvalitet både innvendig og utvendig. I tørre rom vert det som standard nytta klikkvinyl på golv og ferdigmåla plater i tak og på veggar. Her er det moglegheiter for tilpassingar kva angår fargar og typar, og ein kan også oppgradere til t.d. parkett og ferdig sparkla og måla gips om ein ynskjer dette. På våtrom er standarden flis på golv med kantflis og baderomsplater på veggane.

Utvendig vert bustaden kleidd med royalimpregnert kleidning, og vindauga er av typen tre med aluminiumsbeslag. Alt dette inneber eit minimum av vedlikehald, godt eigna for ein travel familie.