Brekkane Bustadfelt

Selnes C – Romsleg tomannsbustad med fire soverom og carport

«Selnes» er ein moderne, kompakt og vedlikhaldsvenleg tomannsbustad over to plan. Med fire gode soverom kan bustaden huse din familie gjennom mange livsfasar.

Ein praktisk familiebustad med rom for tilpassing
Innanfor inngangsdøra kjem du inn til ein romsleg hall med moglegheit for skyvedørsgarderobe. I enden av denne gangen er det lagt opp til eit lite fellesareal for soveroma. Denne «avdelinga» kan eventuelt skjermast frå resten av huset med dør. I etasjen finn du også tre gode soverom og eige bad med opplegg for vaskemaskin og tørketrommel. Det tekniske har ei eiga bod rett ved badet, og det er også ei bod for ekstra oppbevaring i denne etasjen.

I andre etasje finn du «master»-soverommet med eiga garderobe. Badet har også her moglegheit for opplegg til vaskemaskin og tørketrommel om det er ynskjeleg. Frå stova er det utgang til balkong der ein kan nyte utsikta mot fjord og fjell.

Tomannsbustaden får ei utvendig sportsbod – praktisk til oppbevaring av syklar og hagereiskap. I tillegg får du eigen carport og parkeringsplass nær bustaden.

Tomt
Eigd tomt. Areal vert målt opp før signering av kontrakt.

Meld interesse for tilvalsmoglegheiter og stå først i køen til å velje bustad

Er du tidleg ute og melder interesse får du moglegheit til å påverke fleire tilval, blant anna kjøkken og oppvarming av bustaden. Du får også fordelen av å stå først i køen. Vel bustadplasseringa som «alle» vil ha. Ta kontakt for ein uforpliktande samtale og få meir informasjon.

Når du bygger ein heilt ny bustad får du også fleire fordelar, som:

• Ingen har budd der før – bli den første som bur seg inn i bustaden
• Alt er nytt! Som betyr mindre vedlikehald og null oppussing
• Null stress med bodrundar
• Spar pengar på ein energieffektiv bustad og låg dokumentavgift
• 5 års reklamasjonsrett

Materiale av kvalitet

Generelt vert det nytta materiale av høg kvalitet både innvendig og utvendig. I tørre rom vert det som standard nytta klikkvinyl på golv og ferdigmåla plater i tak og på veggar. Her er det moglegheiter for tilpassingar kva angår fargar og typar, og ein kan også oppgradere til t.d. parkett og ferdig sparkla og måla gips om ein ynskjer dette. På våtrom er standarden flis på golv med kantflis og baderomsplater på veggane.

Utvendig vert bustaden kleidd med royalimpregnert kleidning, og vindauga er av typen tre med aluminiumsbeslag. Alt dette inneber eit minimum av vedlikehald, godt eigna for ein travel familie.