Helsesekretær

Medisinsk klinikk på Haukeland universitetssjukehus er ei stor seksjonert eining som har ansvar for utgreiing og behandling av pasientar med indremedisinsk sjukdom. Klinikken har seksjonar for blodsjukdommar, hormonsjukdommar, infeksjonssjukdommar, fordøyingssjukdommar og nyresjukdommar. Kvar seksjon driv døgnopne sengepostar i tillegg til dagbehandling og poliklinikk. Klinikken har og seksjonar for klinisk ernæring og sosionomteneste, som tener pasienter inneliggande og poliklinisk. I tillegg har Medisinsk klinikk stor forskingsaktivitet, driv utdanning av helsepersonell og opplæring av pasientar og pårørande.

Seksjon for kontortenester i Medisinsk klinikk har ledig fem 100% faste stillingar som helsesekretær. Oppstart etter avtale.

Seksjon for kontortenester er ein eining med 32 årsverk og med mange spennande oppgåver. Det er stor variasjon i arbeidet og fleire oppgåver rullerer ein på. Helsesekretærane har dagleg kontakt med pasientar og pårørande og samarbeider tett med legar, pleiepersonell og andre yrkesgrupper i sjukehuset. Arbeidet inneheld mellom anna oppgåvene lista opp under. Andre oppgåver kan og bli aktuelle i takt med pågåande endringar og oppgåvedeling i sektoren.

Seksjon for kontortenester har ansvar blodprøvetaking på tre av klinikkens sengepostar og vil overta fleire prøvetakinsoppgåver i løpet av 2025. Aktuelle kandidatar for dei ledige stillingane må vere motivert og egna for pasientnære oppgåver, og det vil vere ein fordel å ha erfaring med blodprøvetaking. Ved ansettelse arbeidar ein kun kvardagar, på dagtid. Det kan imidlertid bli aktuelt med noko kveldsarbeid og helg på sikt, og aktuelle kandidatar må vere open for det.

Medisinsk klinikk prioriterar systematisk og tverrfagleg forbetringsarbeid. Helsesekretærane er ein viktig del av pasientforløpa og ein sjølvsagt del i forbetringsarbeidet i klinikken.

Vi søker deg som held fokus på pasienten i ein travel kvardag, som er engasjert i å betre tilbod og kvalitet, og som bidrar positivt til godt samarbeid og eit triveleg arbeidsmiljø.

Arbeidsoppgåver

Varierte og spennande arbeidsoppgåver, mellom anna:

• Blodprøvetaking, både på sengepost og i poliklinikk
  
• Registreringar i elektronisk pasientjournal (DIPS Arena) og elektronisk kurve (MEONA)
• Ulike pasientadminitrative oppgåver så som timetildeling, oppgjer, kodekontroll og anna ventelistearbeid, bestille pasienttransport, tolketenester, hotell oa.
• Arbeid både på sengepoost og i poliklinikk, inkludert telefoni og resepsjonsoppgåver
• Forbetring- og utviklingsarbeid i tverrfaglege team

Kvalifikasjonar

• Norsk autorisasjon som helsesekretær
  
• God grunnleggande datakompetanse
• Må meistre norsk, både skriftleg og munnleg, og det er ein fordel med gode kunnskapar i engelsk
• Det er ein fordel med erfaring i blodprøvetaking
• Det vil bli lagt stor vekt på personlege eigenskapar

Personlege eigenskapar

• Du møter menneske med respekt, er positiv og inkluderande
• Du arbeider sjølvstendig, strukturert og målretta
• Du må like utfordringar, vere nysgjerrig og engasjert - og ta ansvar
• Du etablerer gode samarbeidsrelasjoner med dei rundt deg, er fleksibel og løysingsorientert
• Du må trivast i eit aktivt og travelt miljø, og halde deg roleg i stressande situasjonar
  

Vi tilbyr

• Varierte oppgåver og triveleg arbeidsmiljø i eit spennande felt, med moglegheit for fagleg utvikling
• Lønn i samsvar med gjeldande overeinskomst
• Gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.