Rådgivar - koordinator for den fylkeskommunale PP-tenesta

Vil du vere med å utvikle den fylkeskommunale pedagogisk- og psykologisk tenesta (PPT) inn i framtida?

Vi leitar etter deg som vil vere med å leie det viktige arbeidet med å få fleire unge til å fullføre vidaregåande opplæring. PP-tenesta i vidaregåande opplæring er ein viktig del av laget rundt eleven.

Som rådgivar for PP-tenesta får du ansvaret for å koordinere og utvikle det fylkeskommunale tilbodet. Du skal jobbe tett saman med dei kommunale og interkommunale PP-kontora og dei vidaregåande skolane.

Arbeidsoppgåver

I stillinga som koordinator vil du leie ulike arbeidsgrupper, følge opp handlingsplanar mellom PPT og skolane, og delta i nasjonale nettverk. Du vil ha ei rolle i saksbehandling av inntak av elevar med behov for individuelt tilrettelagt opplæring.

Ein del av stillinga vil også innebære å delta i prosjekt og samarbeidsfora som arbeider med læringsmiljø og kompetanseutvikling. Vidare vil du ha økonomisk ansvar for budsjett og utbetalingar til kommunane. Du vil også ha ansvar for å utarbeide avtalar og kravspesifikasjonar som regulerer ansvaret og oppgåvene til PP-kontora, og sikre at tenestene blir levert i tråd med desse.

Andre oppgåver innafor kompetanseområdet kan også bli tillagt stillinga.

Kvalifikasjonar

• relevant utdanning frå høgskole/universitet, helst master
• spesialpedagogisk utdanning
• relevant erfaring frå spesialpedagogisk arbeid og helst administrativ erfaring
• god skriftleg og munnleg formidlingsevne
  

Personlege eigenskapar

Vi søker etter deg som

• har evne til å arbeide sjølvstendig, systematisk og målretta
• er god på å bygge relasjonar og nettverk
• liker å samarbeide, dele og inkludere og tenker på tvers av fagområde
• har evne til å vere i omstilling, takle nye oppgåver, vere innovativ og sjå moglegheiter
• kan vere pådrivar for kvalitetsutvikling av tenestene som ligg til stillinga sitt ansvarsområde
• har eit positivt menneske- og elevsyn, og vere opptatt av enkeltmenneske sine rettar

Anna

Kontorstad for stillinga er i Molde

Vi tilbyr

• ei utfordrande stilling i eit arbeidsmiljø kjenneteikna av stor profesjonalitet og sterke fagmiljø
• god tilgang til faglege nettverk og fagleg utvikling
• offentleg pensjonsordning, gruppelivs- og ulykkesforsikring
• løn etter avtale