Audiograf - fast stilling

Ledig fast stilling som audiograf ved Høyresentralen.

På høyresentralen vil du bli ein viktig del av eit stort tverrfagleg team. Vi har stort fokus på fagleg kompetanse, og søker deg som har lyst til å utvikle deg vidare innanfor audiologi. Arbeidsoppgåvene er svært varierte, og du vil kvar dag samarbeide med dyktige kollegaer innan ulike fagfelt (legar, helsesekretærar, sjukepleiarar, audiopedagog, medisin-teknikarar og sjølvsagt mange audiografar).

Høyresentralen tar primært imot pasientar frå store delar av Vestland fylke, noke som gjør at pasientgruppa er stor, med varierande problemstillingar. Vi yter helsehjelp til alt frå nyfødde til menneske over 100 år, noko som krev spisskompetanse innanfor ulike avgrensingar innan audiologi. Vi ser spesielt etter audiograf med interesse for barneaudiologi. Derfor bør nettopp du som har ein ekstra entusiasme for audiologi søke på denne stillinga! Vi oppfordrer også nyutdanna til å søke.

Vi vil sørge for god opplæring og innføring i måten vi arbeider på.

Oppstart etter avtale.

Arbeidsoppgåver

• Utgreiing og behandling av pasientar som er tilviste Høyresentralen og ØNH barnepoliklinikken
  • Høyrselstesting med spesialtestar, vaksne og barn
  • Tilpassing og kontroll av høyreapparat, vaksne og barn
  • Utgreiing og behandling av tinnitus/nedsett lydtoleranse
  • Nyfødtscreening

• Administrative oppgåver

Kvalifikasjonar

• Autorisert audiograf
• Personleg eigenhet vil bli lagt vekt på

Personlege eigenskapar

• Du er motivert og ønsker fagleg utvikling
• Du er lojal og ansvarsbevisst
• Du har gode samarbeidsevner, tar initiativ og er arbeidsvillig
• Du arbeider sjølvstendig og klarer å ta avgjerder på eigen hand
• Du ønsker (nå eller på sikt) vidare spesialisering innan eit eller fleire av følgande felt: Barneaudiologi/ABR/tinnitus/nedsett lydtoleranse

Vi tilbyr deg

• Lønn etter gjeldande overeinskomst
• Godt arbeidsmiljø med høgt fagleg nivå
• Varierte arbeidsoppgåver og moglegheit for spesialisering i faglege interesseområde

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.