Overlege/bedriftslege

Er du ein lege med hjarte for førebygging og eit helsefremmande arbeidsliv?

Vi søker ein dyktig overlege/bedriftslege til 100% fast stilling i Bedriftshelsetenesta ved Helse Bergen. Her får du ein unik moglegheit til å bruke din kompetanse i eit sterkt fagmiljø som arbeider for trygge, sunne og helsefremmande arbeidsplassar.

Som bedriftslege vil du spele ei viktig rolle til å utvikle arbeidsmiljøe for våre tilsette. Dette er ei stilling med stor fagleg variasjon, moglegheiter for utvikling og direkte påverknad på helse i arbeidslivet.

Om stillinga

• Du vil arbeide med mange og ulike former for eksponeringer, særleg emosjonell belastning
  
• Varierte oppgåver opp mot mange ulike grupper av tilsette
• Samarbeid med smittevernpersonell og arbeid med smittevernfaglege problemstillingar
• Moglegheit for delt stilling (50% i bedriftshelsetenesta og 50% ved Yrkesmedisinsk avdeling)

Kort om Bedriftshelsetenesta:

Bedriftshelsetenesta (BHT) bistår Helse Bergen i arbeidet med å skape sunne og trygge arbeidsplassar i sjukehuset. BHT er ein fagkyndig og rådgivande teneste innan førebyggande helse-, miljø- og sikkerheitsarbeid. Vi er ei tverrfagleg samansett gruppe som ivaretar områda innanfor: arbeidsmedisin, fysisk og kjemisk arbeidsmiljø, psykososialt og organisatorisk arbeidsmiljø, smittevern for tilsette, ergonomi og systematisk HMS-arbeid. BHT har for tida ni medarbeidarar beståande av, bedriftsjordmor, bedriftssjukepleiarar, bedriftsfysioterapeutar og yrkeshygienikar. BHT er del av Personal- og organisasjonsavdelinga der over 70 kollegaer tilbyr rådgiving og utviklingsstøtte på heile HR-området.

Bedriftshelsetenesta har eit fagleg samarbeid med Yrkesmedisinsk avdeling. Bedriftslegen vil også ha eit fagleg nettverk med andre profesjonar ved sjukehuset, og med bedriftslegene i dei andre føretaka i Helse Vest.

Arbeidsoppgåver

• Førebygge og følge opp arbeidsrelaterte helseplagar
• Gje råd om nærværsfremmande tiltak og støtte til sjukefråværsoppfølging
• Bistå med opplæring og rådgiving innan arbeidshelse og systematisk HMS-arbeid
• Delta i arbeidsmiljøutval og leie relevante prosjekt
• Sjå til at det medisinske arbeidet i Bedriftshelsetenesta er i tråd med faglege reglar og normer
• Utføre og bistå ved målretta helsekontrollar og jobbe med yrkesvaksinasjon
• Vidareutvikle metodikk for kartlegging og intervensjon i arbeidsmiljø

Kvalifikasjonar

• Har spesialisering i arbeidsmedisin, er under spesialisering i arbeidsmedisin, eller anna relevant erfaring innan arbeidsmedisin
• Har norsk autorisasjon som lege og godkjend turnusteneste/LIS 1
• Har erfaring med førebyggande arbeidsmiljøarbeid og interesse for komplekse organisasjonar
• Kjenner godt til arbeidsmiljølova og relevant lovverk
• Har solide samarbeidsevner og tverrfagleg forståing
• Kommuniserer klart og tydeleg, både munnleg og skriftleg

Personlege eigenskapar

• Engasjert og omgjengeleg
• Analytisk, systematisk og målretta
• Fleksibel og løysingsorientert
• Likar å tileigne deg og dele kunnskap

Vi tilbyr

• Ei variert og sjølvstendig rolle med stort samfunnsoppdrag
• Fleksibel arbeidstid og konkurransedyktige vilkår
• Gode pensjons- og forsikringsordningar
• Eit inkluderande og kompetent arbeidsmiljø

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.