Undervisningsstillingar elektro

Slåtthaug videregående skole ligg i naturskjønne omgivnader nær Nesttun sentrum. Det er kort veg til buss- og bybanestopp, og vi har Fana Arena og Slåtthaug kunstisbane rett i nærleiken. Skolen har ca 600 elevar fordelt på utdanningsprogramma BA,EL, HO, TIF og påbygging til generell studiekompetanse. Vi har eit mangfaldig elevmiljø og engasjerte tilsette. Her ser vi på alle utdanningsvegar som likeverdige, og er opptatte av at elevane skal oppleve trygg, aktiv læring i alle klasserom og verkstader. Vi søkjer faglærarar til to heile, faste stillingar innanfor programfag på elektro.

Arbeidsoppgåver

Undervisning i programfag på vg1 elektro- og datateknologi og vg2 kulde-, varmepumpe- og ventilasjonsteknikk. Det ligg kontaktlærarfunksjon til stillingane.

Kvalifikasjonar

Du har minimum fagbrev og relevant arbeidserfaring innanfor elektro, dataelektronikk, automatisering eller kulde-, varmepumpe- og ventilasjonsteknikk.
Du har gjerne teknisk fagskule eller ingeniørutdanning.
Det er ønskjeleg med undervisningserfaring.
Til alle undervisningsstillingar er det krav om relevant fagleg og pedagogisk kompetanse. Dette kan takast som etterutdanning.
Du har god munnleg og skriftleg framstillingsevne.
Du har god digital kompetanse.

Personlege eigenskapar

Du likar å arbeide med ungdom og er ein god rollemodell.
Du har ei positiv innstilling og skaper gode relasjonar.
Du ser behova til den enkelte elev.
Du er ein god lagspelar, er god til å samarbeide og deler av kunnskapen din.
Du arbeider strukturert og systematisk.

Vi tilbyr

Løn og lønsutvikling i tråd med Vestland fylkeskommune sin lønspolitikk

Gode forsikrings- og pensjonsordningar

Kvalifiseringsstipend for å fullføre pedagogisk utdanning

Tett kollegasamarbeid og god delingskultur

Eit inspirerande og nyskapande profesjonsfellesskap