Vi søkjer en kommunikasjonsrådgjevar som skal jobbe med video og innhaldsproduksjon.

Om stillinga og avdelinga

Direktoratet for høgare utdanning og kompetanse (HK-dir) søkjer en kommunikasjonsrådgjevar som skal jobbe spesielt med videoproduksjon til dei eksterne kanalane våre. Kommunikasjonsrådgjevaren skal utvikle og produsere visuelt innhald som engasjerar, formidlar og informerer om HK-dirs ulike tenester og verkemiddel.  Stillinga vil innebere planleggjing og å jobbe strategisk med innhald frå idé til gjennomføring. Rådgjevaren får ei sentral rolle i produksjon av innhald til sosiale medium, nyheitsbrev og nettsider. 

HK-dir ser etter ein dyktig og kreativ kommunikasjonsrådgjevar med hovudoppgåver innan video og bilete. Stillinga er ein del av stab for kommunikasjon. Staben har medarbeidarar i både Oslo og Bergen, og denne stillinga har kontorstad i Oslo. Ansvar for ekstern og intern kommunikasjon i HK-dir ligg hos staben, som blir leidd av en kommunikasjonsdirektør. 

Arbeidsoppgåver

• utvikle konsept, manus og innhald   
• planleggje og gjennomføre filmopptak 
• gjere strategiske vurderingar og langsiktig planlegging av innhald
• fagleg rådgjeving klippe og redigere video
• tilpasse innhald til ulike eksterne kanalar som sosiale medium og nettsider
• ta bilete - og redigere dei
• intern opplæring
• eventuelle andre oppgåver knytt til stab for kommunikasjon

Kva kvalifikasjonar treng vi?

Du må ha:

• høgare utdanning på minimum bachelornivå, gjerne mastergrad innanfor relevant fagområde 
• relevant arbeidserfaring innan planlegging, produksjon og presentasjon av video, foto og manus
• gode samarbeidsevner
• arbeide sjølvstendig og effektivt på tvers av fag og organisasjon
• klare å kommunisere komplekst fagstoff på ein kreativ og lettfatteleg måte gjennom video

Det er i tillegg ein fordel med:

• erfaring frå offentleg sektor
• erfaring frå å jobbe med utdanningsfeltet eller andre delar av mandatet til direktorata
• erfaring med bruk av drone

Hos oss får du:

• eit uformelt og godt fag- og arbeidsmiljø 
• høve til fagleg utvikling 
• høve til trening i arbeidstida, med inntil to timar i veka 
• høve for mobiltelefonordning 
• Fleksibel arbeidstidsordning
• Godt tilrettelagde lokale i Oslo sentrum
• medlemskap i Statens pensjonskasse, med gode pensjons- og låneordningar 

Lønsvilkår

• Lønsplassering etter kompetanse
  • stillingskode som rådgjevar i fast stilling med en årsløn mellom kroner 560 000 og 660 000
• medlemskap i Statens pensjonskasse, med trekk på to prosent til lovfesta pensjonsinnskot 

Inkluderande arbeidsliv og mangfald

I HK-dir trur vi at mangfald gir oss breiare perspektiv, og at medarbeidarar med ulik livserfaring og fagkombinasjonar vil gjere oss i stand til å finne enda fleire gode løysningar på våre oppdrag. Vi oppmodar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan vise til ei samanhengande yrkeskarriere. Vi legg forholda til rette for personar med nedsett funksjonsevne.

Dersom du har funksjonsnedsetting, innvandrarbakgrunn eller hol i CV-en kan du verte positivt særbehandla dersom du kryssar av for dette når du søker stillinga. Vi inviterer minst éin kvalifisert søkar i kvar av desse gruppene til intervju. For å verte positivt særbehandla på denne måten, må du oppfylle visse krav. Les meir om dette på arbeidsgjevarportalen (https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten). Avkryssing i Jobbnorge gir grunnlag for anonymisert statistikk, som alle statlege verksemder rapporterer i sine årsrapportar. 

Offentleg søkjarliste

Vi gjer merksam på at opplysningar om søkjaren kan verte offentleggjort sjølv om søkjaren sjølv ber om ikkje å verte ført opp på søkjarliste, jf. Offentleglova § 25. Søkjaren vert i så tilfelle informert om dette på førehand. 

Søknad og CV

For å ha eit godt vurderingsgrunnlag ber vi deg om å registrere søknad og utfyllande CV i vår rekrutteringsportal og laste opp relevante attestar og vitnemål. Vi oppmodar deg om å gi tilgang til vitnemålsportalen.