Sivilsrettsforvaltninga søkjer ein administrativ medarbeidar som vil vere viktig for vårt sekretariat i Vardø

Er du strukturert og nøyaktig? Bli ein nøkkelperson på vår nye lokasjon i Vardø!

• LES MER om jobben og mulighetene på Heia Nord-Norge – følg lenken til søknad!

Sivilrettsforvaltninga (SRF) er ei verksemd i vekst og utvikling, og vi ser no etter ein engasjert og strukturert førstekonsulent / rådgivar som kan bidra til å styrke vår nye lokasjon i Vardø.

Stillinga er knytt til vår Avdeling for utvikling og verksemdstyring. Oppgåvene vil i stor grad vere tilknytt sekretariatet for Tilsynsrådet for Kriminalomsorga, og inneber varierte administrative oppgåver. 

I hovudsak vil arbeidsoppgåvene omfatte administrative oppgåver som handtering av reiserekningar og fakturabehandling. I tillegg vil den vi tilset bidra med noko enklare saksbehandling.

Vi søkjer deg som trivst med sjølvstendige administrative oppgåver og som er fleksibel til å hjelpe der det er behov.

Arbeidsstad er lokala våre i Vardø.

Er du under utdanning og ferdig med studia våren 2025? Då ønsker vi òg gjerne din søknad.

Kva går jobben ut på?

• handtering av reiserekningar, godtgjersler og faktura
• ulike administrative oppgaver etter kompetanse og behov, inkludert enklare saksbehandling
• oppfølging av diverse driftsavtalar

Andre oppgåver kan òg vere aktuelle, og dei konkrete arbeidsoppgåvene kan variere ut frå behova i SRF.

Kven er du?

• vi søkjer fortrinnsvis kandidater med relevant høgare utdanning på bachelornivå. Relevant erfaring eller fagbrev kan kompensere for utdanningskravet.
• god skriftleg og munnleg framstillingsevne
• god IKT-forståing

Det er ønskeleg med

• kjennskap til eller erfaring med løns- og fakturasystem som SAP DFØ og Unit4, men du får også god opplæring
• erfaring med sak-/arkivsystem frå offentleg sektor.
• relevant erfaring frå offentleg forvaltning

Vi ser etter ein kollega som

• er løysingsorientert, effektiv og nøyaktig
• kan jobbe sjølvstendig og ansvarsbevisst
• har gode samarbeidsevner

Det vil bli lagt vekt på at søkar er personleg eigna.

Vi tilbyr deg

• ei fagleg utfordrande stilling med meiningsfulle arbeidsoppgåver
• gode moglegheiter for fagleg utvikling
• fleksitid og trening i arbeidstida
• moglegheit for å jobbe frå mobilkontor
• god forsikrings- og pensjonsordning gjennom Statens pensjonskasse
• eit hyggeleg og dynamisk arbeidsmiljø
• Stillingane blir løna etter statens lønsregulativ, avhengig av kompetanse og kvalifikasjonar:
• førstekonsulent (1408): kr 548 600 – 604 900 (lønstrinn 56 – 62)
• rådgivar (1434): kr. 604 900 – 657 300 (lønstrinn 62 – 67)

For særleg kvalifiserte søkjarar kan høgare løn vurderast. Det blir trekt 2 % lovbestemt innskot til Statens pensjonskasse.

Vardø vert omfatta av ordninga med nedskriving av studielån og skattefordelar for Nord-Troms og Finnmark. Til dømes kan ein få:

• Nedskriving av gjeld i Lånekassen med inntil 60 000 kroner årleg.
• Lågare skatt på alminneleg inntekt
• Lågare toppskatt
• Fritak for forbruksavgift på straum

Andre opplysningar

Vi ønskjer oss mangfald blant våre tilsette og oppmodar alle kvalifiserte til å søkje. Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst ein søkjar i kvar av desse gruppene til intervju. For å bli vurdert som søkjar i desse gruppene, det vil seie positivt særbehandla på denne måten, må søkjarane oppfylle visse krav. Les meir om krava på Arbeidsgjevarportalen.

I løpet av prosessen kan vi be om vedlegg som vitnemål / karakterutskrift og attestar. Har du dei ikkje klare ved søknad, ver gjerne førebudd på å leggje dei ved seinare.

Opplysningar om søkjaren kan bli offentleggjort sjølv om søkjar har bedt om ikkje å bli ført opp på søkjarlista, jf. offentleglova § 25. Eventuelle ønskje om reservasjon må grunngjevast. Vi varslar deg dersom vi ikkje tar ditt ønskje til følgje.

Ved tilsetjing gjeld 6 månader prøvetid.