Vil du vere skuleleiar hos oss?

Knarvik barneskule har ledig 100% mellombels stilling som undervisningsleiar (inspektør) frå 01.01.2025 - 31.07.2025.

Knarvik barneskule er ein nybygd skule som ligg sentralt plassert i høve natur og idrettsanlegg midt i Knarvik. Skulen vart teken i bruk i mai 2019 og framstår som ein topp moderne skule der alt ligg til rette for å skapa eit godt læringsmiljø for elevane.

 Til skulen ligg og Læringssenteret, eit senter som gjev eit tilpassa undervisningstilbod for elevar med særlege behov frå heile Nordhordland. Skulen har i dag ca 270 elevar og eit personale på vel 40.

Arbeidsoppgåver

Undervisningsleiaren vil vere ein del av skulens leiargruppe, saman med rektor, den andre undervisningsleiaren og SFO-leiar.

Administrative oppgåver knytt til spesialundervisning, løn, bemanning, samarbeidande instansar, utviklingsarbeid og drift er knytt til stillinga. Det vil også vere noko undervisning lagt til stillinga.

Kvalifikasjonskrav

Du må ha:

• Godkjent pedagogisk utdanning for undervisning på 1. - 7. trinn
• God dugleik i norsk, både munnleg og skriftleg
• Ønskje om å være eller prøve ut skuleleiarrolla 

Ønskt kompetanse

• God digital kompetanse
• Erfaring frå skuleleiing
• Leiarutdanning, eller ønskje om å ta leiarutdanning dersom stillinga vert langvarig

Vi ønskjer undervisningsleiar som, sjølv i ein hektisk kvardag, evner å møte kvar einskilde elev og medarbeidar der dei er. Dei må vere opptatt av å samskape og dei må kunne vere rause i detaljane, men samtidig faste og tydelege i det sentrale. Godt humør og evne til å le er eigenskapar vi set høgt på skulen.

Søkjarane bør vidare ha god kjennskap til opplæringslova og avtaleverk og gode kommunikasjonsevner opp i mot elevar, føresette og medarbeidarar.

Dei som vert tilsett må kunne vise sjølvstende, være løysingsorientert og ha framifrå samarbeidsevne og arbeidskapasitet.

Det er ønskjeleg med kompetanse og/eller røynsle innan spesialpedagogikk.

Personlege eigenskapar

Me søkjer ein person med eit positivt elev- og læringssyn, som meistrer å kombinera mange arbeidsoppgåver med tid til positive møter med elevar og kollegaer på skulen.

Undervisningsleiaren må vere opptatt av god personalleiing og vidra bidra til å vidareutvikle eit godt arbeidsmiljø, samt vere tydeleg i møte med elevar, tilsette og føresette. 

I tråd med opplæringslova vert det stilt krav om politiattest ved tiltrede

Vi tilbyr

Som ein del av vår skule får du moglegheita til å vere ein del av eit engasjert og dyktig team. Du vil jobbe saman med flotte elevar som vil inspirere deg kvar dag. Vi tilbyr løn etter avtaleverket, som reflekterer dine kvalifikasjonar og erfaring.

Vi ser fram til å ønskje deg velkommen som ein verdifull tilvekst til vårt team.

Søk no og bli med på å forme våre elevar sin framtid!