Brenn du for Sogn og Fjordane?

Sogn og Fjordane har ein levande og engasjert frivillig sektor som spelar ei heilt sentral rolle i å fremme inkludering, kultur, idrett, utdanning og sosialt fellesskap. Regionen har også eit rikt og variert næringsliv, gode utdanningstilbod og eit mangfaldig kulturliv. I sum skapar dette gode og trygge lokalsamfunn.

Sparebankstiftinga Sogn og Fjordane har ambisjonar om å ta ei aktiv rolle for å gjere Sogn og Fjordane til ein betre stad å bu og leve. For å vidareutvikle dette viktige samfunnsoppdraget søkjer vi deg som har eit brennande engasjement for Sogn og Fjordane, til å fylle rolla som leiar prosjekt.

Sentrale arbeidsoppgåver:

• Utarbeide, implementere og følgje opp samfunnsnyttige prosjekt i regi av stiftinga
• Vere ein pådrivar og støttespelar for frivillig sektor, og andre sentral samarbeidspartar som til dømes utdanningsinstitusjonar og kommunar
• Handsaming av gåvesøknader og følgje opp vedtak på gåvetildelingar
• Profilere stiftinga sin aktivitet på heimesider og i sosiale media
• Bidra til å utvikle Sparebankstiftinga sitt samfunnsengasjement, til det beste for Sogn og Fjordane

Vi ser etter deg som:

• Har eit sterkt og smittande engasjement, og ønskjer å vere med å utvikle Sogn og Fjordane til ein betre stad å bu og leve
• Er ein solid relasjonsbyggar
• Trivast med å arbeide sjølvstendig, har god gjennomføringskraft og gode samarbeidsevner
• Gode kommunikasjonseigenskapar, både skriftleg og munnleg
• Nysgjerrig, analytisk og strukturert
• God kompetanse innan økonomi og prosjektleiing

Vi kan tilby ein meiningsfull og spennande jobb for deg som ivrar etter å utvikle regionen vår. Du vil få tilgang til eit breitt nettverk og gode møteplassar innan fleire sektorar; stiftingar og sparebankar.

Vi har tru på at dei beste tilsette er dei og som får rom til å utvikle seg personleg og fagleg, og vi legg til rette for ein innhaldsrik arbeidskvardag. Vi tilbyr god opplæring. Konkurransedyktig løns- og pensjonsordning og gode moglegheiter for vidareutdanning.

Vi høyrer gjerne frå deg!

Kontaktperson: Direktør Hallvard Klakegg, mob: 481 67 058, Leiar gåve og samfunnskontakt Yngve Thorsen, mob 908 02 575.

Sparebankstiftinga Sogn og Fjordane er ein av dei største sparebankstiftingane i landet med ein forvaltningskapital på 3 milliardar kroner. Stiftinga sine viktigaste formål er å stå for eit stabilt og langsiktig eigarskap i Sparebank1 Sogn og Fjordane, utøve forsvarleg kapitalforvaltning og å vidareføre sparebank-tradisjonar ved gje gåver til allmennyttige formål. Stiftinga har sidan oppstarten i 2010 tildelt gåver for om lag 500 millionar kroner frå banken sitt overskot tilbake til samfunnet. Stiftinga forventar å tildele omlag 100 millionar i gåver til samfunnsnyttige tiltak i 2025.