Fast stilling som barne- og ungdomsarbeidar

Me har ledig 100% fast stilling som barne- og ungdomsarbeidar i Vaksdal kommune, for tida ved Stamnes oppveksttun. 

Som barne- og ungdomsarbeidar på oppveksttunet vil du ha ei viktig rolle i barn sin kvardag. Hovudoppgåvene dine vil vere å bidra til eit trygt, utviklande og stimulerande miljø for barna. Du vil vere ein del av eit team som saman arbeider for å gi barna gode opplevingar og støtte i utviklinga. 

Typiske arbeidsoppgåver vil inkludere:

• Tilrettelegging av pedagogiske aktivitetar: Planlegge og gjennomføre aktivitetar som fremmar læring, leik og sosialt samspel.
• Omsorg og støtte: Gi barna omsorg, tryggleik og støtte, og dessutan rettleie dei i kvardagslege situasjonar.
• Leik og samspel: Delta aktivt i leik med barna, både inne og ute, og bidra til å skape ein inkluderande fellesskap.
• Oppfølging av enkeltbarn: Sjå kvart enkelt barn sitt behov, følge opp utviklinga til barna og samarbeide med foreldre.
• Praktiske oppgåver: Hjelp til i måltid, stell, påkledning og legging av dei minste barna.
• Miljøarbeid: Bidra til eit ryddig og godt fysisk miljø, både ute og inne.
• Samarbeid med kollegaer: Delta aktivt i teamarbeid, planleggingsmøte og utviklingsarbeid i barnehage og SFO.

Stamnes oppveksttun har 29 barn, ni i barnehagen og 20 i skulen. Skulen er ein fådelt 1-7 skule og har eigen SFO. Stillinga vil primært vere knytt til barnehage og SFO.

Kvalifikasjonar

• Godkjend utdanning som barne- og ungdomsarbeidar 
• Søkjarar med anna relevant kompetanse/erfaring og ynskja personlege eigenskapar kan ved behov bli vurdert
• Godkjent politiattest må leggjast fram ved tilsetjing

Personlege eigenskapar

• Du er ein stabil, påliteleg, open og ærleg person 
• Du liker å vere i aktivitet saman med barn 
• Du trivst i eit aktivt og travelt miljø 
• Du er ein trygg, raus og tydeleg vaksenperson i møte med barna 
• Du er strukturert og interessert i å bidra til eit godt arbeidsmiljø. Du må ta del i utviklingsarbeidet og halde deg fagleg oppdatert
• Du kan vise til erfaringar der du fremjar samarbeid og utøver positiv kollegastøtte 
• Søkjar må gjennom kunnskap, erfaring og personlege eigenskapar kunne samarbeide med og skapa tillit og dialog med personale, barn og foreldre
• Vi oppmodar menn til å søkja

Vaksdal kommune kan tilby

• Faglege og personlege utfordringar i eit godt og inspirerande arbeidsmiljø 
• Kompetente og engasjerte kollegaer 
• Gode pensjons- og forsikringsordningar 
• Individuell oppfølging 
• Moglegheiter for støtte til etter- og vidareutdanning 
• Løn i tråd med tariffavtaleverk

Video: https://www.youtube.com/watch?v=dxInsUPyp28