Oppgradert iMac 2007 20"

Ei utruleg billeg og fin arbeids-, musikk- og stovemaskin til sals. Eit fint møbel er det òg. Me pratar sjølvsagt om Apple iMac frå midten av 2007, denne er oppgradert og klar til bruk.

Spesifikasjonar: Intel core 2 duo T7300 2GHz prosessor. Oppgradert til 3GB RAM, og den gamle spinnedisken er bytt ut med ein mykje raskare PNY SSD-disk på 112GB. Denne oppgraderinga åleine gjer maskina brukbar i dag. Skjermkortet er eit AMD Mobility Radeon 2400 XT, som driv ein verkeleg nydeleg 1680*1050 20" skjerm. Det er få andre skjermar til og med i dag som er like fine, her er det lett å sitja og jobbe lenge.

Trådlauskortet er Apple Airport extreme bgn wifi, kabla nett fungerer ikkje (men du kan få med ein USB- til ethernetadapter for ein hundrelapp ekstra). DVD- og CD-stasjon, webkamera og blåtann. Det er USB-, Firewire- og Displayport-utgangar, så det går fint å kople til ein ekstra skjerm. Original mus og tastatur fylgjer med. Du kan ikkje sjå Youtube i full oppløysing på denne, men litt lågare går fint. Høgtalarar med god lyd til datamaskin å vera.

Maskina er for lengst ute av Mac OS-oppgraderingar, men eg installerer ein valfri Linux til deg (eller du kan gjera det sjølv). På den måten får du oppdatert og trygg programvare i mange år enno - sjølv har eg brukt ho til nett, kontor og lydstudioarbeid. Kan sendast mot porto, men det er sjølvsagt enklast viss du hentar. Eg kan levere i nærområdet.