Økonomisjef

Møre og Romsdal fylkeskommune søker ein engasjert og strategisk økonomisjef som vil ha eit ansvar for å sikre god økonomisk styring og utvikling i fylkeskommunen.

Møre og Romsdal fylkeskommune er under omstilling for å tilpasse seg gjeldande rammevilkår og samfunnet sine framtidige behov. Som økonomisjef vil du ha ei sentral rolle i dette arbeidet. Vi ser etter deg med gode leiareigenskapar som kan balansere strategisk tenking med operativt fokus. Du må også trivast med å navigere gjennom både utfordringar og moglegheiter i ein politisk styrt organisasjon.

Som økonomisjef vil du ha eit personal- og fagansvar for ein stab innan verksemdsstyring, derunder økonomiplan, budsjett, rekneskap, og lønn. Staben består av teamleiarar for rekneskap og lønn, seks rådgivarar og tre konsulentar. Seksjonen inngår i stab for strategi- og styring, og assisterande fylkeskommunedirektør er nærmaste leiar.

Arbeidsoppgåver

• Ansvar for økonomistyring, inkludert økonomiplan- og budsjettarbeid, rekneskap og rapportering og lønn.
• Låne- og finansforvaltning
• Utvikling og implementering av strategiar for verksemdsstyring
• Sikre gode rutinar og system for økonomisk oppfølging og kontroll
• Bidra med økonomiske analysar og grunnlag for vedtak og formidling av desse
• Følge opp og rapportere på økonomiske mål og resultat
• Samarbeide tett med andre avdelingar og einingar for å sikre heilskapleg og effektiv styring
• Gjennomføring og oppfølging av kostnadseffektive tiltak og omstillingsprosessar
• Sikre etterleving av økonomiske retningslinjer og god forvaltningsskikk

Kvalifikasjonar

• Relevant høgare utdanning innan økonomi
• Erfaring med leiing og utvikling av medarbeidarar
• Gode analytiske evne og evne til å arbeide strategisk og heilskapleg, samt ha ein utviklingsdriv
• Sterke kommunikasjonsevner, både skriftleg og munnleg, og evne til å samarbeide på tvers av fagområde
• Høg integritet og evne til å sikre etterleving av etiske retningslinjer og god forvaltningsskikk
• Erfaring frå økonomi- og verksemdsstyring frå offentleg sektor er ein fordel

Personlege eigenskapar

• Strukturert og målretta
• Initiativrik og løysingsorientert
• Gode samarbeidsevner og evne til å bygge relasjonar
• Evne til å motivere og engasjere medarbeidarar
• Stor arbeidskapasitet og gjennomføringsevne
• God digital forståing
  

Vi tilbyr

• Ei spennande stilling i ein organisasjon i utvikling
• Eit sterkt fagmiljø med dyktige kollegaer å samarbeide med
• Gode pensjons- og forsikringsordningar
• Lønn etter avtale