Vil du jobbe med innkjøp i Alver kommune?

Bli med på laget for å sikre gode innkjøp for Alver kommune!

Vi søkjer ein innkjøpsrådgjevar som kan bidra til å styrka innkjøpsfunksjonen i Alver kommune. Dette er ei nyoppretta 100 % stilling som ligg under tenesteområdet Eigedomsforvaltning. Eigedomsforvaltning består av fire einingar; Eigedom, Investeringsprosjekt, Samferdsle, veg, vatn og avløp og Bustadkontoret. Innkjøpsrådgjevaren vil få ei sentral rolle der vedkommande skal arbeide bredt og variert på tvers av desse einingane. Det vil og vere tett dialog med innkjøpssjefen i kommunen. 

Om tenesteområdet Eigedomsforvaltning

Eigedomsforvaltning byggjar opp og forvaltar alle eigedommane til kommunen.

Vi sitt i moderne kontor på Frekhaug kommunehus. Her er det gangavstand til bussterminal og hurtigbåt til Bergen. Her sitt vi samla med andre tekniske fag og planfag. Saman skapar vi eit sterkt fagmiljø.

Arbeidsoppgåver

• Planlegga og gjennomføra anskaffingsprosessar i henhold til regelverk om offentlege anskaffingar
• Bistå einingane med ulike innkjøpsfaglege behov og problemstillingar
• Kontraktsoppfølging
• Handsame innsynkrav og klager
• Forbetra interne innkjøpsprosessar og rutiner
• Opplæring
• Internkontroll

For å lykkast i denne rolla ser vi for oss at du har

Nødvendige kvalifikasjonar;

• Relevant høgare utdanning på bachelornivå. For eksempel innan økonomi og administrasjon, juss eller økonomi. Arbeidserfaring med offentlege innkjøp kan kompensere for manglande formell utdanning
• Kommuniserer godt skriftleg og muntleg
• Kan jobbe godt både sjølvstendig og saman med andre

Ønskelege kvalifikasjonar;

• Erfaring innan offentlege anskaffingar
• Erfaring med digitale konkurransegjennomføringsverktøy og kontraktsadministrasjons verktøy 

Vi søkjer deg som

Vi ser etter ein innkjøpar som samarbeider og kommuniserer godt både med kollegaer, tilbydarar og leverandørar. Ettersom kommunen ikkje har eit stort innkjøpsmiljø, må du evne å ta ansvar og initiativ. Du bør med andre ord være sjølvstendig, strukturert og serviceinnstilt. Du må kunne finne eigne løysingar og ha evne til å gjennomføra desse. Det er også fordelaktig om du har kommersiell teft og evne til å forstå markedet du jobbar med.

Personlege eigenskapar vil bli vektlagt.

Kva kan vi tilby deg? 

• Du kjem til ei teneste med godt arbeidsmiljø og dyktige kollegaer
• Du vil få utfordrande og meiningsfulle oppgåver
• Du vil få varierte arbeidsdagar med sjølvstendig arbeid
• Fagleg utvikling
• Gode pensjons- og forsikringsordningar gjennom KLP
• Lønn og tilsetjingvilkår etter avtale
• Ein trygg og god arbeidsplass