Tussa IKT er i vekst og styrkar løysingssenteret

Tussa IKT er i vekst og styrkar løysingssenteret

På Tussa sitt løysingssenter i Ørsta møtast teknologi og kundeteneste. Løysingssenteret er delt inn i fagområda IT og kommunikasjon, der kommunikasjon gjeld produkta internett og digital-TV. 

Vi har ei nyoppretta stilling som gruppeleiar for kundehandsamarane som jobbar på førstelinje kommunikasjon. 

Førstelinje kommunikasjon yter kundeservice til kundar på produkta internett og digital-TV. Kundehandsamarane sikrar at kundane får relevant informasjon, i tillegg til å hjelpe kunden med bestilling, oppgradering, feilsøking og retting av tekniske problem. 

Stillinga som gruppeleiar inneheld både personalansvar og operativt ansvar . Andre viktige oppgåver vil vere:

• Tett oppfølging av dei andre kundehandsamarane
• Svare på kundehenvendingar
• Aktiv dialog med andre avdelingar i selskapet for å sikre kontinuerleg utvikling, effektivitet og fornøgde kundar
• Ansvar for at gruppa når gjeldande mål og aktivitetar 

Vi ser etter ein sjølvstendig person med relevant leiarerfaring som evnar å inspirere medarbeidarane gjennom å vere målbevisst, løysingsorientert og yte god kundeservice. Du må ha gode kommunikasjonsevner der det å beherske norsk og engelsk, både skriftleg og munnleg er viktig. Tussa har nynorsk som forretningsspråk. 

Personlege eigenskapar vil bli vektlagt.

Vi kan tilby:

• Interessante og utfordrande arbeidsoppgåver i eit selskap med høg aktivitet
• Eit uformelt arbeidsmiljø som legg vekt på personleg utvikling, sjølvstende og trivsel
• Konkurransedyktig løn
• Gode pensjons- og forsikringsordningar

Spørsmål om stillinga

Trine Lise Ness Grimstad

+47 93 05 58 78trine.lise.ness.grimstad@tussa.no