Vil du jobbe med eigedom i Nav Vestland?

Nav fylkeskontor Vestland har det overordna ansvaret for gjennomføringa av arbeids- og velferdspolitikken i Vestland med styringsansvar for ni regionar og ei spesialeining. Fylkeskontoret er lokalisert i Bergen med 45 tilsette fordelt på fire avdelingar; avdeling økonomi og analyse, avdeling HR og organisasjon, avdeling partnarskap og kommunikasjon og avdeling fag og tenester.

No søker vi etter ein medarbeidar for snarleg tilsetting i fast 100% stilling på eigedomsområdet. Nav Vestland forvaltar kostnader på området eigedom tilsvarande omkring kr 60 millionar årleg, og har ansvar for rundt 40 eigedomskontrakter i fylket. I denne rolla vil du kunne være med å finne gode løysningar framover for å redusere kostnader og omdisponere midlar for å styrke Nav-kontora i fylket. Du vil jobbe med analyse og oppfølging av eksisterande kontraktar, og vil jobbe systematisk for å realisere gevinstar på området.

Du vil samarbeide tett med einingsleiarar i Vestland for å bidra til gode endringsprosessar, og bli ein viktig del av avdeling økonomi og analyse på fylkeskontoret kor du vil kunne jobbe tett opp mot andre viktige fagfelt som økonomi og sikkerheit.

Arbeidsoppgåver

• Analysere gjeldande kontraktar og finne løysingar på korleis eigedomskostnader kan reduserast
• Prosessdrivar og rådgjeving innan innleie, drift og avvikling på eigedomsområdet. Vere ein aktiv pådrivar i eigedomsprosessane både under planlegging, gjennomføring og oppfølging.
• Skape forståing for det totale risikobildet på området og lage system som sikrar tilstrekkeleg risikostyring i åra framover. Vere med å kvalitetssikre konkurransegrunnlag, leigeavtaler og leigeprosessar.
• Utarbeide planar for prosessar fram mot å realisere gevinstar på husleige- og felleskostnader
• Samarbeide tett med einingsleiarar i Vestland og bidra til gode endringsprosessar i einingane innanfor eigedomsområdet
• Delansvar for oppgåver i dagleg drift på området eigedom

Kvalifikasjonar

Du må ha:

• Utdanning på minimum bachelornivå innanfor relevant utdanningsretning, t.d. juridiske og/eller økonomiske fag. Relevant erfaring kan kompensere for kravet til utdanning.
• Erfaring og høg kompetanse innanfor excel
• Særleg god IKT-kompetanse- og erfaring
• God økonomiforståing- og erfaring

Det er ein fordel om du også har:

• Kjennskap til system for eigedomsforvaltning. Nav brukar for tida Main Manager
• Erfaring fra prosjektarbeid, gjerne prosjektleiing
• Erfaring med å følge opp byggeprosesser
• God forståing for Nav si samfunnsrolle

Personlege eigenskapar

Vi ser etter deg som er initiativrik og utviklingsorientert, med høg gjennomføringsevne. Du er strukturert, analytisk og kvalitetsbevisst i ditt arbeid, samtidig som du er leveringsdyktig. Stillinga har flere kontaktpunkt og krever gode pedagogiske formidlingsevner. I møte med andre er du fagleg og personleg tillitvekkande trygg, og har gode samarbeidsevner.

Vi tilbyr

• Ei spennande og utfordrande stilling i eit godt arbeidsmiljø prega av høg kompetanse og engasjerte medarbeidarar
• Store moglegheiter for fagleg og personleg utvikling
• Fleksibel arbeidstid, heimekontorordning og moglegheit for trening i arbeidstida
• God pensjonsordning, låneordning og forsikringar gjennom Statens pensjonskasse
• Tilsetting i stillingskode 1364, seniorrådgivar med lønnsspenn frå kr. 710 000 - 800 000 pr. år. For særleg kvalifisert søkar kan høgre lønn vurderast.