Kurs- og arrangementskoordinator

Høgskulen på Vestlandet, Avdeling for samfunnskontakt - arbeidsliv og livslang læring, har ledig ei mellombels stilling som kurs- og arrangementskoordinator.

Stillinga som kurs- og arrangementskoordinator er ledig for tilsetting i 100% stilling i eitt år.

Stillinga ligg til Avdeling for samfunnskontakt - arbeidsliv og livslang læring som er etablert under prorektor for regional utvikling. Stillinga rapporterer til avdelingsleiar.

Stillinga har arbeidsstad i Bergen.

I avdelinga er stillinga knytt til Team for arrangement som jobbar på tvers av HVL sine 5 campusar. Reiseaktivitet mellom campus og noko kveldsarbeid må påreknast. Teamet koordinerer også praktiske oppgåver retta mot livslang læring som kan bli aktuelt i denne stillinga.

Ansvars- og arbeidsoppgåver:

• Koordinere og vere pådrivar for større og mindre arrangement ved HVL
• Vere kontaktperson for arrangør og rådgje undervegs mot gjennomføring
• Bistå med budsjettarbeid
• Utarbeide og ha oversikt over detaljplanar/køyreplanar og program-rammer
• Bistå med praktiske førebuingar, innhenting av tilbod, bestillingar og halde kontakt med leverandørar
• Ansvar for oppsett av påmeldingssystem og deltakarhandtering
• Ansvar for oppsett, fortløpande redigering og publisering av konferansenettsider
• Bistå med utarbeiding av informasjonsmateriell og profilering av arrangementa
• Bistå med utarbeiding av evaluering og rapporteringar
• Tilretteleggje for kurs og fleksible vidareutdanningar i eit livslangt læringsperspektiv

• Andre oppgåver kan og bli lagt til stillinga

   

Kvalifikasjonskrav:

Formell utdanning og kompetanse:

• Relevant høgare utdanning på minimum bachelornivå, helst masternivå
• Administrativ erfaring og kompetanse tilpassa arbeidsoppgåvene i stillinga
• Erfaring med koordinering og planlegging av arrangement
• Erfaring med utarbeiding og publisering av nettsider
• Erfaring med behandling av GDPR-data
• Erfaring frå- og god kunnskap om universitets- og høgskulesektoren kan vere ein føremonn
• Erfaring med verktøyet FS kan vere ei fordel, men er ikkje eit krav
• Gode skriftlege og munnlege språkkunnskapar i norsk og engelsk

 

Vi søkjer ein medarbeidar med gode kommunikasjons- og samarbeidsevner samt eit stort engasjement for høgskulen sitt samfunnsoppdrag.

Vi tilbyr:

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving - og utvikling
• Høve for trening i arbeidstida

Stillinga som kurs- og arrangementskoordinator er løna etter Statens lønsregulativ, i stillingskode 1363/1434 - seniorkonsulent/rådgjevar.

Frå løna vil det bli trekt 2 % innskot til Statens pensjonskasse.

Korleis søke på stillinga?

Send søknad og CV ved å klikke på knappen merka "Søk stilling" på denne sida.

Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning.  (https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d)

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her. (https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d/automatisk-godkjenning-et-raskere-alternativ)

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 

Søknadar kan ikkje sendast på e-post til enkeltpersonar ved høgskulen.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV.

Arbeids- og opphaldsløyve i Norge er ein føresetnad for å tiltre stillinga. 

Høgskulen på Vestlandet er underlagt forskrift for eksportkontrollsystem. Forskrifta kan komme til anvending i behandlinga av søknadane.

Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering.

Kontaktperson ved Høgskulen på Vestlandet er:

John Tveit, avdelingsleiar, +47 55 58 75 02 

Inkludere, utfordre og samhandle

Les meir på våre heimesider. (https://www.hvl.no/)