Volvo 142

Flott Volvo 142 til sals. Med sine 335.000 kilometer kan ein vel seia at motoren knapt er innkøyrd! Har hatt bilen i snart to år, og har vore svært nøgd, men andre prioriteringar har kome no. Bilen gjev eigaren stor merksemd, og du skal ikkje stå lenge i ro på ein bensinstasjon før nokon kjem bort for å snakka. God å køyra på langtur med, og eg har vore på sommarferie både på Vestlandet og i Danmark med denne.

Litt putl blir det jo alltids med gammal bil, og den har fått nokre reperasjonar i mitt eige. Det kan nemnast ny radiator og vasspumpe, nytt startbatteri, ny stift og justering av ventilar. Alt gjort på godkjend Volvo-verkstad. Av småfeil som står att kan nemnast at vindussveiva på passasjersida er laus og det manglar lås til sidevinduet på førarsida. Dette er ikkje noko som MÅ fiksast, og det går fint å bruka bilen slik den er. Den eine kanalen har truleg blitt behandla for rust ein gong, og det er ikkje sånn superfint der det er gjort, men til minimal sjenanse. Interiøret vil eg seia er svært fint og heilt. Det følgjer også med eitt sett til med sommardekk, og originale Volvo-hjulkapslar. Tilstanden på desse dekka er uviss.

Vil du merksemd, og ikkje er redd for å skru litt sjølv eller bytta delar, så berre ta kontakt. Sidan bilen er snart 53 år gammal kan eg diverre ikkje garantera at ting ikkje sluttar å virka når som helst og kor som helst, men sjølv har eg ikkje hatt meir problem enn det som kan ventast. Bilen står i Oslo, men har ikkje vinterdekk, så eventuell prøvekøyring avgrensar seg ganske kraftig før våren.