Vi søker ein sjølvstendig og analytisk person til ei nyoppretta stilling innan berekraftsrapportering.

Vi har fullt fokus på å tilrettelegge for rapportering i tråd med CSRD frå og med 2026, og då treng vi meir ressursar. Dette er ei sentral stilling med stort ansvar, men der du har gode kollegaer å samarbeide med. Har du erfaring med eller interesse for ESG-rapportering og blir inspirert av å fremme innsikt som grunnlag for beslutningar? I denne stillinga vil du vere ei viktig brikke for ei meir berekraftig framtid og ein nøkkelperson i vårt berekraftsarbeid og i vår omdømebygging. 

Sentrale arbeidsoppgåver:

• Ei sentral rolle i utvikling og gjennomføring av ESG-rapportering.
• Bidrag til å etablere gode internkontrollrutinar for rapportering.
• Vere løpande oppdatert på regelverk innanfor CSRD og ESG.
• Prosjektarbeid/prosjektstøtte internt i arbeidet med etablering, utvikling og oppfølging av klimamål, klimagassrekneskap og tiltak.
• Støtte forbetringsprosjekt for å integrere berekraft i økonomiske beslutningar og analysar. 

Kvalifikasjonar:

• Bachelor eller masternivå innan økonomi, ingeniørfag, berekraft eller liknande.
• Fagleg interesse og engasjement for berekraftig omstilling, og finn det spennande å jobbe i skjeringspunktet økonomi og berekraft.

Personlege eigenskapar:

 Viktige eigenskapar er at du tek initiativ, har gode kommunikasjons- og samarbeidsevner, og har sterk munnleg og skriftleg framstillingsevne.

Vi tilbyr:

• Sterkt fagleg fellesskap
• Varierte og utviklande oppgåver
• Konkurransedyktig løn og vilkår
• Fleksible ordningar for arbeidstid og høve for heimekontor