Vi søkjer 1-2 engasjerte og lærevillige sommarvikarar!

Kven er vi?

Naturforvaltningsavdelinga har som hovudansvar å utvikle politikk innanfor vern og berekraftig bruk av naturmangfald og friluftsliv. Avdelinga jobbar mellom anna med områdevern (som barskogvern, nasjonalparkplanen, fylkesvise verneplanar), rovvilt- og anna viltforvaltning, bekjemping og regulering av framande organismar, vassforvaltning, villaks- og innlandsfiskforvaltning, avgifter, arealforvaltning og konsekvensutgreiingar. Avdelinga gjer vurderingar av miljøvernaspekt knytt til jord- og skogbruk, energi- og havbruksnæringane, og miljørisikovurderingar knytt til bruk av genmodifiserte organismar, motorferdsel og naturoppsyn.

Om stillingane

Naturforvaltningsavdelinga søkjer 1-2 engasjerte studentar til sommarjobb med oppstart juni 2025. Du vil få ein fadder som sørgjer for at du får god opplæring.

Vil du bruke dine juridiske evner på eit spennande fagfelt? Vi søkjer etter studentar som primært skal behandle oppgåver knytt til klagesaksbehandling på rovviltfeltet. Det er også slik at vedkommande må rekne med å gjere andre oppgåver på avdelinga sitt ansvarsområde, som til dømes mediehenvendelsar eller bistå med fagleg grunnlagsmateriale til politisk leiing.

Vi tilbyr arbeidsoppgåver som gir deg verdifull innsikt og erfaring i korleis Naturforvaltningsavdelinga fungerer som fagleg sekretariat for klima- og miljøministeren og regjeringa i utforminga av naturforvaltningspolitikken.

Vi søker deg som har følgande bakgrunn:

• Du er ein student som er godt i gang med ein bachelor- eller mastergrad innanfor rettsvitskap. I tillegg har du oppnådd gode karakterar. Det krevst ingen særskilte forkunnskapar innan avdelinga sitt fagfelt for å søkje stillinga.
• God munnleg og skriftleg framstillingsevne på norsk.

Tilgjengeleg i perioden 16. juni til og med 17. august. Det er moglegheit for inntil tre veker (ubetalt) ferie i denne perioden.

Klarering: Du må tilfredsstille krava til autorisasjon på nivå BEGRENSET. Sjå nsm.no

For å lykkes i rollen har du disse egenskapene:

• Arbeider sjølvstendig og strukturert
• Analytiske ferdigheiter
• Gode samarbeidsevner
• Pågangsmot og god fagleg vurderingsevne

For deg er ingen oppgåver for små eller for store, og du er villig til å bistå der det er behov. Vi set også pris på om du er fagleg engasjert, handterer korte fristar og trivst med eit høgt arbeidstempo. Personleg eignaheit og motivasjon vert vektlagt.

Vi er opptekne av:

Vi vil rekruttere den best kvalifiserte kandidaten til stillinga og treng derfor eit breitt rekrutteringsgrunnlag. I Klima- og miljødepartementet har vi eit personalpolitisk mål om å vere ein arbeidsgjevar som speglar mangfaldet i samfunnet, og som tek i bruk potensialet i den samla
kompetansen i befolkninga. Vi arbeider for å inkludere personar med nedsett funksjonsevne og/eller som av ulike årsaker ikkje kan
dokumentere ein samanhengande yrkeskarriere. Vi har gode tilretteleggingsmoglegheiter, og fleksibel arbeidstid tilpassa ulike fasar i livet.

Lønn:

Stillingene lønnes etter statens lønnsregulativ som konsulent eller førstekonsulent, med brutto månedslønn kr. 38 300 (i 100 % stilling).

Er dette stillinga for deg? Les dette:

Vi ber om at du lastar opp vitnemål/karakterutskrifter (som kan hentast direkte frå Vitnemålsportalen) og relevante attestar. Utenlandske vitnemål må vere NOKUT-godkjent. Bekreftinga vedleggast.

Dine personopplysningar vil bli oppbevart i henhald til GDPR. Det vert gjort merksam på at opplysningar om søkjar kan bli offentleggjort sjølv om søkjar har bedt om å vere unntatt søkjarlista. Søkjar vil bli orientert om dette på førehand.