Er du vår nye ambulerande overstyrmann for framtidas hurtigbåtar?

Bli med på verdas største grøne revolusjon innan hurtigbåttransport!

Fjord1 er ein leiande pionér i det grøne skiftet, og skal vere den sikraste og mest attraktive leverandøren av miljøvenleg ferje- og hurtigbåttransport. No utvidar vi hurtigbåtsegmentet vårt med to ombygde fartøy og eit nybygg, som skal trafikkere Askøyruta frå Kleppestø, og Nordhordlandsruta frå Knarvik, til Strandkaien i Bergen sentrum.

Fjord1 søkjer no ein ambulerande overstyrmann til desse hurtigbåtrutene.

Om fartøya og stillinga

I Askøyruta vil du segle med M/S Kleppestø og M/S Florvåg, tidlegare M/S Terningen og M/S Tyrhaug, som no blir bygde om til moderne, elektrisk drift. I Nordhordlandsruta vil det toppmoderne nybygget M/S Alversund gå. Du vil tenestegjere ombord på fartøya i rute etter behov, og når det ikkje er behov i rute, vil du ha base på reservefartøy i Bergen sentrum.

Som ambulerande overstyrmann vil du ha fast grunnløn, og fast turnus på 2 veker av og 2 veker på.

Ønskjer du å bli ein del av framtidas hurtigbåttransport? Søk no!

Relevante kandidatar blir kontakta fortløpande

Arbeidsoppgåver

• Leiar for dekksavdeling
• Avløysar for skipsførar
  
• Ettersyn på navigasjonsutstyr
  
• Oppgåver iht alarminstruks
• Sikre at fartøyet alltid er sjødyktig
  
• Treffe avgjersler som ikkje kan utsetjast ved skipsførar sitt fråfall
  
• Oppdatering og ajourhald av vedlikehaldssystem for dekk
  
• Opplæring, utvikling og trening av personell
  
• At mannskapet har riktig verneutstyr
  
• At passasjerane vert behandla på ein høfleg måte
  
• At kommunikasjonsutstyr er i orden
  
• At billettering og kontroll vert utført
  

Kvalifikasjonar

• Minimum D4
  
• GMDSS/ROC-sertifikat
  
• Kvalifikasjonsbevis for navigatør på hurtiggåande fartøy
  
• Sikkerheitskurs iht. kvalifikasjonsforskrifta
  
• Krise- og passasjerhandteringskurs
  
• Gyldig helseerklæring

Fjord1 dekker manglande hurtigbåtkurs og krise- og passasjerhandteringskurs for aktuelle kandidatar.

Personlege eigenskapar

• Ansvarleg og sjølvstendig
• Fleksibel og løysingsorientert
• Godt humør og serviceinnstilt
• Evne til å arbeide i team, med gode kommunikasjonsevner
• Ønskje om å bidra til at Fjord1 når sine målsettingar

Vi tilbyr

• Ein variert arbeidskvardag i eit toppmoderne og framtidsretta miljø
• Forutsigbar turnusordning, som kan kombinerast med familieliv og fritid
• Konkurransedyktig løn etter overeinskomst mellom NHO Sjøfart og Norsk Sjøoffisersforbund
• Eit inkluderande arbeidsmiljø med dyktige og støttande kollegaer
• Gode velferdsordningar