Avdelingsleiar

NAV skal gi menneske moglegheiter, og gjennom vår innsats skal fleire få høve til å vere i arbeid, delta i samfunnet og vere sikra inntekt. NAV kontaktsenter er eit av Noregs største og mest avanserte kontaktsenter, og svarar på om lag 5,4 millionar brukarhenvendelsar kvart år. Vi er NAV si faglege førstelinje på telefon, chat, digitale kanalar og sosiale medium. NAV Kontaktsenter består av 1000 medarbeidarar fordelt på 12 einingar i heile landet. Vi har ei sentral rolle i NAV, og NAV kontaktsenter har stor verknad både for den enkelte som tek kontakt med oss og NAV sitt omdømme.

Vi søkjer etter deg som brenn for NAV sitt samfunnsoppdrag og som kan vere med og leie ei av våre 4 avdelingar i NAV kontaktsenter Vestland. Stillinga inneber å leggje til rette for at våre rettleiarar kan levere gode tenester til NAV sine brukarar. Du vil få personal- og resultatansvar for om lag 20 kompetente og engasjerte medarbeidarar, og bli ein del av leiargruppa for NAV kontaktsenter Vestland.

Arbeidsstad: Bergen

Arbeidsoppgåver:

• Utøve myndiggjande og tillitsbasert leiing
• Bidra til at eininga har eit inkluderande arbeidsmiljø og lågt sjukefråvær
• Vidareutvikle kultur for læring, refleksjon og forbetring
• Bidra til at leiargruppa arbeider effektivt og at eininga løyser sitt samfunnsoppdrag

Kvalifikasjonar:

• Minimum 3-årig utdanning på høgskule/universitet
• Leiarerfaring med personalansvar
• Gode IT-ferdigheiter og forståing for digitalisering og utvikling av framtidas tenester
• Svært gode kommunikasjonsevner, munnleg og skriftleg
• Det er også ein fordel om du har erfaring med tillitsbasert leiing

Personlege eigenskapar:

For å trivast og meistre jobben som avdelingsleiar hos oss, tenkjer vi at det er viktig at du:

• Har evne til å gi avdelinga ei klar oppleving av retning og mål
• Har evne til å rettleie andre til å forbetre prestasjonar
• Er målretta og resultatorientert
• Har gode relasjonsbyggande eigenskapar
• Er stødig og har god arbeidskapasitet

Vi tilbyr:

• Ein arbeidsplass som fokuserer på eit godt arbeidsmiljø og kompetanseutvikling
• Dyktige og engasjerte kollegaer
• Lønn som avdelingsleiar kode 1407, kr 667 700 – kr 796 600 (ltr. 68-77)
• Moglegheit for ein time fysisk aktivitet i arbeidstida per veke
• Fleksibel arbeidstid og moglegheiter for ein hybrid kvardag
• Moglegheit for bustadlån og gode pensjons- og forsikringsordningar i Statens Pensjonskasse

Søknad og CV sendast via lenka nedanfor. Attesterte vitnemål frå vidaregåande skule og høgskule/universitet samt attestar lastast opp saman med søknaden. Vitnemål delast via www.vitnemålsportalen.no. Dersom du har teke heile eller delar av utdanninga di i utlandet, ber vi om ei autorisert omsetjing av papira dine samt ei godkjenning frå Direktoratet for høgare utdanning og kompetanse (https://hkdir.no/).