Ferievikarar

Likar du å jobbe med menneske? Då er sjansen stor for at vi har ein meiningsfylt og interessant sommarjobb til deg i helse- og velferdstenestene våre.

Vi treng ferievikarar i mange ulike einingar og tenester. Det er ulike krav til kompetanse for forskjellige tenester. Helsefagleg utdanning er ikkje nødvendig for alle stillingane. Ofte er personlege eigenskapar og innstilling viktigare. 

Vi treng ferievikarar hos følgjande einingar;

• Luranetunet bu- og behandlingssenter
• Fusa bu- og behandlingssenter
• Tilrettelagte tenester for barn, unge, og voksne med ulike funksjonsnedsettingar
• Legevakt og legetenester
• Psykisk helse og rustenester
• Heimetenester Eikelandsosen/Baldersheim
• Heimetenester Os

For å søkja og lese meir klikk på «Søk her» øverst på sida, og søk etter stillinga som er aktuell for deg. Vi oppmodar til å ikkje vente med å sende inn søknaden din, då vi tilsett ferievikarar fortløpande. 

Vi ser etter deg som er;

• Glad i menneske, løysingsorientert, pliktoppfyllande og arbeidsam
• Ung, vaksen eller godt vaksen. Vi ser helst at du er over 18 år, men yngre kan og søkje stillingar der helsefagleg utdanning eller alder ikkje er eit krav

Personlege eigenskapar og innstillinga di er det aller viktigaste, og du vil få opplæring. Det er ulike krav til kompetanse for forskjellige stillingar og tenester, sjå stillingsutlysingane for nærmare informasjon. Vi treng òg ferievikarar til kjøkkenarbeid og reinhald ved sjukeheimane. 

Vi kan tilby:

• Interessante, meiningsfylte og varierte arbeidsdagar saman med flotte kollegaer og tenestemottakarar. Vi kan love at arbeidsdagane går fort! 

Arbeidserfaring frå eit omsorgsyrke vil du ha nytte av, uavhengig av kva yrkesretning du vel seinare. Dette er verdifull erfaring som skil seg ut på CV-en, og ein bakgrunn mange framtidige arbeidsgivarar veit å verdsetje.

Vi gler oss til å høyre frå deg!

Verdiar og mangfald

Som ferievikar i Bjørnafjorden kommune må du kunne identifisera deg med verdiane våre;

• Vi lyttar med respekt
• Vi finn smarte løysingar
• Vi gjer det vi seier
• Vi er inkluderande.

Vi ønsker å ha mangfald på arbeidsplassane som gjenspeglar befolkninga og oppfordrar alle kvalifiserte kandidatar til å søke.

Vi vil aldri be søkjar om å oppgi BANK-ID informasjon i søknadsprosessen.