Er du samarbeidsorientert, ansvarsbevisst og strukturert, med god administrativ innsikt?

Om stillinga

Kultur- og likestillingsdepartementet (KUD) har ei ledig stilling i statsrådsseksjonen vår. Vi er på jakt etter ein driven sekretær som vil vere med på å leggje til rette for at statsråden, to statssekretærar, politisk rådgjevar og departementsråden har ein mest mogleg effektiv og triveleg arbeidsdag. Statsrådsseksjonen har ansvar for å nå dette målet. God rolleforståing, sjølvstende, fleksibilitet, god kommunikasjon og samarbeid er sentrale stikkord for jobben.

Stillinga rapporterer direkte til departementsråden.

Arbeidsoppgåver

Hovudoppgåva vil vere å hjelpe statssekretærane, men du vil òg ha andre varierte arbeidsoppgåver. Du vil bli godt kjend på tvers av verksemda. Du vil ha kontakt med Stortinget, regjeringa, enkeltpersonar, politiske parti og andre eksterne samarbeidspartar i ein allsidig kvardag. Døme på daglege oppgåver er:

• hjelp til å styre kalendrar, booke møte med både interne og eksterne partar
• hjelp i møteførebuing, praktisk gjennomføring og oppfølgjing av møte
• koordinering av arrangement/ konferansar
• transport-, fly- og hotellbestillingar
• handtering av reiserekningar
• saksbehandling
• oppfølgjing av andre behov i den øvste leiinga

Du vil jobbe tett saman med to andre sekretærar og vere del av ei felles vaktordning for ettermiddagane.

Kvalifikasjonar

Kvalifikasjonar:

• fullført bachelorgrad eller fagbrev innan relevant fagområde, som service- og administrasjonsfaget, eller kontor- og administrasjonsfaget. Relevant erfaring kan kompensere for delar av utdanningskravet
• god evne til å uttrykkje deg skriftleg og munnleg på norsk, og engelsk
• erfaring frå liknande oppgåver
• erfaring med leiarstøtte
• god digital kompetanse

Personlege eigenskapar:

Du vil ha arbeidsoppgåver som krev at du yter god service til ei lang rekkje aktørar, både internt og eksternt. For å yte denne servicen best mogleg, meiner vi det er viktig at du liker å hjelpe andre, har godt humør og klarer å halde på dette i stressande situasjonar. Det er òg viktig at du har gode samarbeidsevner, er ein utprega lagspelar, og trivst med å møte ulike menneske - med ei open og fleksibel haldning. For å fungere godt i denne stillinga, må du ha ei strukturert og sjølvstendig arbeidsform, vere ryddig, nøyaktig og ansvarsbevisst.

Vi vil leggje vekt om du er på personleg eigna til stillinga og kva motivasjon du har for arbeidsoppgåvane. Eit godt arbeidsmiljø er viktig hos oss, og vil gjerne ha deg som bidrar aktivt til dette.

Den som blir tilsett i stillinga må kunne klarerast for tilgang til informasjon gradert HEMMELIG etter sikkerhetslova.

Vi bruker bakgrunnssjekk frå Semac i rekrutteringsprosessane våre, og godkjend bakgrunnssjekk er ein føresetnad for tilsetjinga.

Vi tilbyr

• innplassering som 1363 seniorkonsulent eller 1434 rådgjevar med brutto årsløn frå kr 550 000,- til 700 000,- (for spesielt kvalifiserte søkjarar kan høgare løn vurderast).
• trivelege lokale midt i Oslo sentrum med eit godt kantinetilbod
• fleksibel arbeidstid, med sommar- og vintertid
• høve til å trene i arbeidstida, tilgang til treningsrom og treningstilbod
• medlemskap i Statens pensjonskasse (SPK) med gode vilkår for pensjon, bustadlån og forsikring
• introduksjonsprogram for nytilsette og gode høve til kompetanseutvikling gjennom KUD-skolen
• eit kunnskapsrikt, inkluderande og uformelt arbeidsmiljø

Inkluderande arbeidsliv og mangfald

Vi meiner at mangfald er ein styrke. Vi ønskjer medarbeidarar med ulik kompetanse og livserfaring og ulike fagkombinasjonar og perspektiv slik at vi kan løyse oppgåvene våre endå betre.

Kultur- og likestillingsdepartementet har som mål å tilsetje fleire personar frå underrepresenterte grupper. Les meir om krava for positiv særbehandling på Arbeidsgiverportalen (https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten?size=n_20_n).

Vi vil leggje til rette for medarbeidarar som har særskilde behov. Aktuelle tiltak kan til dømes vere å skaffe tekniske hjelpemiddel, tilpasse møblar eller endre rutinar, arbeidsoppgåver og arbeidstid.

Offentleg søkarliste og kontakt

Dei som søker, må vere merksame på at opplysningar om dei kan bli offentleggjorde sjølv om søkarane ber om ikkje å bli oppførte på den offentlege søkarlista. Departementet vil svare på krav om unntak frå den offentlege søkarlista før ho blir offentleggjord.

Vil du vite meir om stillinga, kan du ta kontakt med fagdirektør Elisabeth Thorsvik på telefon 98831241.