Avdelingsleiar Valestrand skule

Osterøy kommune har ledig 100% stilling som avdelingsleiar på Valestrand skule frå og med 01.08.2025!
Er du ein varm, tydeleg og strukturert skuleleiar vil vi gjerne ha deg på laget på den flotte skulen vår.

Valestrand skule ligg i kort avstand frå Åsane. Skulen har nydeleg utsikt til Ole Bull sitt feriehus, og med mykje fin natur og turområde i nærleiken.

Valestrand skule er ein 1.-7.skule som skuleåret 2024-25, har om lag 254 elevar, og 30 tilsette. Skulen sitt leiarteam består av to avdelingsleiarar, rektor og SFO-leiar. Skulen har tre kjerneverdiar; engasjert, inkluderande og kreativ. 

Osterøyskulen har ein felles kvalitetsutviklingsplan der vi har fokus på dei tre satsingsområda; trygt og godt skulemiljø, elevmedverknad og lesing. 

Vi er opptekne av å utvikle oss og skape gode læringsfellesskap for våre elevar og dei tilsette. 

Vi håper å sjå deg på søkjarlista!

Arbeidsoppgåver 

• Leie eigen avdeling og sikre utvikling og vekst i lag med resten av leiarteamet
• Syte for eit godt og inkluderande læringsmiljø
• Leie utviklingsarbeidet ved skulen i tett samarbeid med leiarteamet
• Samarbeid med føresette og faginstansar
• 30% undervisning ligg til stillinga

Vi tilbyr 

• Ein arbeidsplass omringa av nydeleg natur 
• Du vil bli leiar for kompetente, utviklingsorienterte og engasjerte tilsette 
• Inkluderande og positive kollegaer både på skulen og på tvers i kommunen
• Spennande og utfordrande oppgåver
• Rom for personleg og fagleg utvikling
• Gode parkeringsmoglegheiter dersom du kjem med bil. Reiser du kollektivt er skulen ein kort spasertur unna ferjekaien som tar deg over til Breistein. Busshaldeplass rett ved skulen! 
• Gode pensjons- og forsikringsvilkår 

Kvalifikasjonskrav 

• Du må ha pedagogisk og fagleg utdanning som gjer undervisningskompetanse i grunnskulen.
• Tilleggsutdanning innan leiing og/eller organisasjonsutvikling er ønskjeleg, men dersom du ikkje har det, må du ha tileigna deg det innan to år etter tilsetjing
• Relevant leiarerfaring er ein fordel, fortrinnsvis erfaring frå skuleleiing, sjølv om dette ikkje er eit krav
• God relasjonskompetanse er naudsynt
• Kunne drive endringsarbeid og utvikling på ein involverande måte, i tråd med skulen og kommunen sine målsettingar

Kven er du?

Du:

• har eit elevsyn i tråd med overordna del i LK20
• brenn for elevane si læring og har eit hjarte for elevane våre
• likar å samarbeid med dine kollegaer
• er strukturert, effektiv, fleksibel, løysingsorientert og tydeleg når det er trong for det
• toler å stå i utfordringar og har stor arbeidskapasitet
• forstår kva det vil seie å leie, vise tillit, gje ansvar og følgje opp
• har erfaring som tydeleg klasseleiar og undervisning og har evne til å rettleie andre
• er synleg i organisasjonen

Lærarar er medlem av Statens pensjonskasse! 

I tillegg til livsvarig alderspensjon og AFP, kan du ha rett på økonomisk stønad om du skulle bli sjuk eller uføre. Du får og gode betingelsar på boliglån, og dine næraste kan dessutan ha rett til etterlattepensjon når du døyr.

Tryggleik for deg som lærar - får du redusert inntektsevna di på grunn av sjukdom eller skade, kan du ha rett til uførepensjon. 

Tryggleik for familien din - Din ektefelle, partnar eller barn kan ha rett til etterlattepensjon når du døyr. 

Gunstig boliglån - Boliglånsrenta til SPK ligg i gjennomsnitt under marknadsrenta! 

Livsvarig alderspensjon og AFP - Som medlem i SPK får du ei god alderspensjon når du pensjonera deg!