Vi søkjer tilkallingsvikarar til publikumsservice

Er du serviceinnstilt, omgjengeleg og trivst med å møte nye menneske?

Då kan du vere den vi leitar etter til vår avdeling for publikumsservice!

Om avdelinga:

Publikumsservice har ansvar for å ta imot og ta vare på publikum på teateret sine framsyningar, konferansar, formidlingsarrangement, omvisingar, kundearrangement med meir.

Arbeidstid:

Som tilkallingsvikar vil du jobbe ved behov, hovudsakleg på ettermiddagar, kveldar og i helgar.

Dine hovudoppgåver vil vere:

· Sørgje for at publikum får ei førsteklasses oppleving på teateret.

· Ivareta beredskap og helse, miljø og tryggleik (HMT) overfor publikum

· Vere tilgjengeleg for publikum i foajéområdet.

· Inn- og utslepp av publikum ved framsyningar

· Vere tilgjengeleg i salen under framsyningar

· Hjelpe til ved evakuering og uføresette hendingar

· Vere arrangementsvertskap for kundar som leiger lokale i teateret

· Sal av program og varer frå butikken.

Vi ønskjer at du:

· Har erfaring frå liknande arbeid og likar å yte service.

· Har evna til å bevare roa i stressande situasjonar.

· Har godt humør og bidreg positivt til arbeidsmiljøet.

· Jobbar strukturert og målretta.

Søkjarar må vere over 18 år.

Andre relevante kvalifikasjonar kan kompensere for mindre erfaring på enkelte område.

Er dette noko for deg? Send oss gjerne ein søknad – vi ser fram til å høyre frå deg!

Aktuelle kandidatar blir kalla inn til intervju fortløpande.