Avdelingsdirektør fiskehelse og fiskevelferd

Veterinærinstituttet er Noregs leiande kunnskapsleverandør for nasjonal beredskap innan fiske- og dyrehelse, fiske- og dyrevelferd, samt fôr- og mattryggleik. Instituttet si viktigaste oppgåve er å utvikle beredskap og kunnskap for å førebyggje og bekjempe helsetruslar hos fisk, dyr og menneske.

Veterinærinstituttet søkjer no avdelingsdirektør som skal ha det overordna ansvaret for fagfeltet fiskehelse og -velferd. Kunnskapsleveransane omfattar forsking og innovasjon, diagnostikk, overvaking og risikovurderingar, miljøtiltak og kunnskapsbasert beredskap. Stillinga inneber ansvar for å vidareføre og vidareutvikle Veterinærinstituttet si leiande rolle som kunnskapsleverandør innan fiskehelse og -velferd, mellom anna ved å vere ein pådrivar i instituttet sin samfunnskontakt innan dette fagfeltet. Avdelingsdirektøren vil ha ansvar for om lag 100 medarbeidarar, organisert i fem seksjonar. Avdelinga si verksemd går føre seg ved instituttet sine lokale i Bergen, Harstad, Trondheim og Ås.

Arbeidsoppgåver

Avdelingsdirektøren vil ha ansvar for å leie avdelinga og ha ansvar for den strategiske utviklinga av instituttet si verksemd innan fiskehelse og fiskevelferd. Stillinga gir moglegheit for omfattande samarbeid med både offentlege og private aktørar i eit fagfelt som er sentralt og viktig for Noreg.

Stillinga inneber ansvar for:

• strategisk og administrativ leiing av avdelinga og å leie og utvikle avdelinga si leiargruppe med fem seksjonsleiarar
• å sikre godt og effektivt samarbeid med interne og eksterne partnarar
• å posisjonere Veterinærinstituttet i relevante nettverk og fremje gode relasjonar til oppdragsgjevarar og finansierar
• å vere ein aktiv del av instituttet si toppleiing og bidra til strategisk utvikling av heile instituttet sine kunnskapsleveransar og beredskapsevne
• økonomi og resultatoppnåing for avdelinga si verksemd

Vi treng ein leiar som er synleg og tydeleg, både internt og eksternt, og som er ein pådrivar for å skaffe eksterne oppdrag, forskings- og innovasjonsmidlar.

Kvalifikasjonar

Vår nye avdelingsdirektør må ha:

• relevant høgare utdanning, forskingskompetanse tilsvarande doktorgrad
  
• relevant leiarerfaring
  
• erfaring som forskar og med forskingsleiing
  
• erfaring med arbeid innan beredskap, diagnostikk, overvaking eller risikovurderingar frå relevant fagområde
  
• kunne bli minst autorisert på "gradert nivå avgrensa"
  
• god skriftleg og munnleg framstillingsevne på eit skandinavisk språk og på engelsk

I tillegg ønskjer vi kvalifikasjonar som:

• erfaring frå offentleg forvaltning
• erfaring frå næring og industri, eller frå samarbeid mellom offentleg og privat sektor
• relevant fagleg nettverk, nasjonalt og internasjonalt

Stillinga inneber ein del reiseverksemd, særleg mellom Bergen, Harstad, Trondheim og Ås.

Personlege eigenskapar

Vår avdelingsdirektør må:

• vere strategisk og visjonær
• ha gode samarbeidsevner
  
• ha gode kommunikasjonsevner
  
• vere trygg og tydeleg i leiarrolla, med evne til å motivere, inspirere og prioritere
  
• vere strukturert, fleksibel og løysingsorientert

Vi tilbyr

• ei synleg og viktig leiarstilling med påverknadsmoglegheiter
• aktiv deltaking i Veterinærinstituttet si toppleiing
• eit arbeidsmiljø prega av høg kompetanse, faglege utfordringar og mangfald i ein fleksibel og inkluderande arbeidsplass
• gunstige avtalar for lån og pensjonssparing i Statens pensjonskasse, der 2 % av løna blir trekt som innskot

Stillingen blir løna etter Statens lønnsregulativ og plassert som avdelingsdirektør i stillingskode 1084.

Dersom dette verkar interessant for deg, ser vi fram til å motta søknaden din. Søknad med CV, vitnemål, attest og andre relevante dokument skal lastast opp elektronisk i rekrutteringsportalen Webcruiter.

Ønskjer du meir informasjon om stillinga, er du velkomen til å kontakte administrerande direktør, Gun Peggy Strømstad Knudsen, for ein uforpliktande samtale.
Vi gjer merksam på at CV blir nytta til utvida søkarliste. Dersom du ønskjer å bli unntatt frå den offentlege søkarlista, må dette grunngjevast i søknaden. Opplysningar kan bli gjorde offentlege sjølv om du har bede om å ikkje bli oppført på søkarlista. Du blir varsla dersom ønsket om reservasjon ikkje blir tatt til følgje.

Veterinærinstituttet ønskjer å spegle mangfaldet i samfunnet og verdset kompetansen til den enkelte. Vi oppmodar derfor kvalifiserte kandidatar til å søkje, uavhengig av til dømes alder, kjønn, nasjonal eller etnisk bakgrunn. Vi ønskjer også søknader frå deg som har vore utanfor arbeid eller utdanning i ein periode og oppfyller kvalifikasjonskrava til stillinga.