Musikklærer

Åsane vidaregåande flytta inn i nye lokale august 2020. Lokala ligg sentralt plasserte mellom Åsane senter og Horisont. Skolebygningen inneheld mange forskjellige interesseområde i tillegg til vidaregåande skole. Blant anna bibliotek, tannhelseteneste, rettleiingsteneste og Åsane og Arna kulturkontor. Skulen har ca. 1500 elevar og deltakarar i vaksenopplæringa og i fengselseopplæringa. Vi tilbyr opplæring innan helse- og oppvekstfag, teknikk og industriell produksjon, elektrofag, byggfag, salg, service og reiseliv, idrettsfag og påbygg til generell studiekompetanse i tillegg til opplæring i små grupper for elevar med særskilde behov.

Skulen arbeider ut frå visjonen «sammen gjør vi hverandre gode» og vårt mål er at våre elevar gjennom daglege trivsels- og meistringsopplevingar skal oppnå økt motivasjon og lærelyst, slik at dei er best mogleg førebudd for livet vidare.
Stillinga er på tilrettelagt avdeling for elevar med særskilte behov (kvardagslivstrening), der elevane får individuelt tilpassa spesialundervisning i lita gruppe etter individuell opplæringsplan.
Det er behov for 1 fast 60% stilling. Større stilling kan vurderast ut frå eventuell tilleggskompetanse innan andre fagområde som skulen tilbyr.

Arbeidsoppgåver

Læraren vil ha som ansvarsområde å bruke musikk som verktøy for inkludering, medverknad, kommunikasjon, meistring og glede for elevar med alvorleg utviklingshemming og store funksjonsnedsettingar/multifunksjonshemmingar.
Læraren vil ha ansvaret for å utarbeide individuell opplæringsplan (IOP) i sine fag for kvar elev og gje opplæring i høve til denne.

Arbeidet er primært organisert som i individuell aktivitet, men også i små grupper. Opplæringssituasjonane består i å bruke musikk som utgangspunkt for meistring og kommunikasjonsutvikling ved å bruke stemma, ulike melodiske instrument, perkusjonsinstrument, digitale verktøy, rytme, sangleik, opptreden m.m.
Hovudfokuset i opplæringa generelt på avdelinga er emosjonsregulering, skape tryggleik, kommunikasjon, øve opp sjølvstende, trene sosial kompetanse og elevmedverknad.

Undervisninga er strukturert i grupper på 4-5 elevar med bemanning av lærar og miljøfagarbeidarar.

Kvalifikasjonar

Den som vert tilsett i stillinga må ha godkjent pedagogisk utdanning og relevant utdanning frå høgskule eller universitetsnivå. Det er ynskjeleg med spesialpedagogisk kompetanse.

Det vil vere ein fordel å kunne traktere ulike instrument slik at ein gjennom det kan skape musikalske opplevingar med elevane.
Det er ein fordel å ha kjennskap til ASK (Alternativ Supplerande Kommunikasjon) fordi dette er mykje brukt i kommunikasjonsutviklingen med elevane.

Erfaring i bruk av teknologiske og digitale løysingar er ein stor fordel fordi det gjev stor gevinst ifht inkludering og for å kunne skape gode musikalske opplevingar saman med elevane.

Det vil også bli vektlagt å ha erfaring med å fasilitere, settje opp og gjennomføre arrangement og opptredenar.

Det vil også bli vektlagt å ha relevant praksis frå tilsvarande avdeling og erfaring frå elevar med utviklingshemming, i autismespekteret og/eller andre diagnosar.

Ved alle faste nytilsettjingar i Vestland fylkeskommune må søkjar legge fram politiattest og tilsettinga blir gjort med 6 månader prøvetid.

Personlege eigenskapar

Vi ynskjer at den tilsette skal vere raus, tydeleg, sjølvstendig, fleksibel og ha evne til å bygge gode relasjonar.

Vi tilbyr

Eit godt arbeidsmiljø med gode kollegaer.

Lønn etter off. regulativ i samsvar med utdanning og praksis.

Gode forsikrings- og pensjonsordningar.