Rådgivar/seniorrådgivar - samfunnstryggleik, beredskap og kommunikasjon

Vil du jobbe med samfunnstryggleik, beredskap og kommunikasjon hos Statsforvaltaren i Rogaland?

Du er ein samfunnsengasjert person som vil nytte fagkunnskapen og kompetansen din til å gjere Rogaland tryggare. 

Beredskapsstaben hos Statsforvaltaren i Rogaland har ledig ei fast stilling som rådgivar/seniorrådgivar. 

Om stillinga

Statsforvaltaren er eit bindeledd mellom sentrale og lokale styresmakter, og har ei sjølvstendig rolle som pådrivar og rettleiar i arbeidet med samfunnstryggleik og beredskap i Rogaland. Vi skal bidra til å styrke regional og kommunal beredskap i samarbeid med andre beredskapsaktørar i fylket - og har ansvar for å samordne sivil krisehandtering på regionalt nivå.

I lys av den tryggleikspolitiske utviklinga, med fleire oppgåver knytt til totalforsvaret og sivilt militært samarbeid, treng vi fleire medarbeidarar. Vi har tett kontakt med kommunane, nødetatane, Forsvaret og andre statlege verksemder og eigarar av kritisk infrastruktur i Rogaland.

Våre oppgåver er regulert i Instruks for Statsforvalteren og Sysselmesteren på Svalbard sitt arbeid med samfunnssikkerhet, beredskap og krisehåndtering (https://lovdata.no/dokument/INS/forskrift/2015-06-19-703).

Vi er underlagd Lov om nasjonal sikkerhet (https://lovdata.no/dokument/NL/lov/2018-06-01-24?q=lov%20om%20nasjonal%20sikkerhet) og har oppgåver som gjeld tryggleiksadministrasjon og rettleiing om lova. 

Arbeidsoppgåver

Aktuelle arbeidsoppgåver:

• delta i ulike prosjekt for utvikling av totalforsvaret og sivil militært samarbeid
• bidra i Statsforvaltarens samordning av krisehendingar
• delta i arbeidet med revisjon av  risiko- og sårbarheitsanalyse på regionalt nivå (FylkesROS)
• evaluere handteringa av regionale krisehendingar 
• revisjon av våre interne beredskapsplanar
• gjennomføre krisehandteringsøvingar 
• føre tilsyn med kommunal beredskapsplikt i kommunane 
• tryggleikadministrasjon og rettleiing i sikkerhetsloven
• krisestøtteverktøyet Rayvn
• gi uttale om samfunnstryggleik til planar etter plan og bygningslova
• gi generell rettleiing til kommunane og andre etatar for våre ansvarsområde
• enkelte helseberedskapsoppgåver

Ein mindre del av stillinga vil vere kommunikasjonsoppgåver for beredskapstaben som å skrive artiklar på nettstaden vår, lage enkle videoproduksjonar, bidra med kommunikasjonsinnspel i øvingsplanligging, delta i kommunikasjonsnettverket internt og delta i regionalt kommunikasjonsnettverk med eksterne aktørar. Når Statsforvaltaren samordnar krisehendingar kan oppgåvene med kommunikasjon auke. 

 

Kvalifikasjonskrav

Vi ønskjer ein dyktig medarbeidar som: 

• har relevant utdanning på mastergradsnivå innan samfunnstryggleik, statsvitskap, by- og regionalplanlegging eller liknande. Kravet om mastergrad kan kompenserast med relevant utdanning på bachelornivå og tilleggsutdanning/praksis innan fagfeltet
• har forståing for heilskapen i samfunnstryggleiksarbeidet
• har formell kompetanse eller erfaring med kommunikasjonsarbeid 

Erfaring frå arbeid med samfunnstryggleik og beredskap er ein fordel, men nyutdanna blir og oppfordra til å søkje. 

Du må kunne sikkerheitsklarerast.

Personlege eigenskapar:  

• du har gode formidlings- og samarbeidsevner og god relasjonell kompetanse 
• du kan arbeide sjølvstendig, ta initiativ, er løysningsorientert og har god gjennomføringsevne 
• du er strukturert og nøyaktig i arbeidet ditt 

Personlege eigenskapar blir vektlagt. 

Vi tilbyr

• lønn som rådgivar, kr 590 000 - kr 680 000 pr år, lønn som seniorrådgivar kr 600 000 - 740 000 pr år, avhengig av kvalifikasjonar og erfaring. For særleg godt kvalifiserte kan høgare lønn vurderast 
• fleksibel arbeidstid og statleg avtaleverk
• god pensjonsordning (det blir trekt 2% pensjonsinnskot frå lønna) gruppelivsforsikring og moglegheit for bustadlån gjennom Statens pensjonskasse 
• gode høve til fagleg utvikling og til å utvikle fagleg nettverk 
• nødvendig opplæring og rom for kompetanseutvikling 
• varierte, interessante og viktige oppgåver 
• triveleg arbeidsmiljø i Statens Hus sentralt i Stavanger 
• HjemJobbHjem-ordning 

Det er 6 månaders prøvetid i stillinga. 

Statsforvaltaren jobbar med mange sider av livet og samfunnet. Derfor meiner vi at inkludering og mangfald er ein styrke. Vi ønskjer medarbeidarar med ulik kompetanse, fagkombinasjonar, livserfaring og perspektiv for å sikre ei endå betre oppgåveløysing. Så langt som mogleg legg vi til rette for medarbeidarar som har behov for det. Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, blir minst éin søkjar innkalla til intervju. For å bli vurdert som søkjar i desse gruppene, må søkjarane oppfylle visse krav og det må kryssast av i søknaden.

Andre opplysningar

Alle som søkjer stillinga, må søke digitalt gjennom rekrutteringsportalen Jobbnorge. Du må laste opp relevante vitnemål og attester. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå NOKUT. Vi gjer merksam på at søknaden kun blir vurdert ut frå informasjonen som føreligger ved søknadsfristens utløp. Det er viktig at du viser korleis din kompetanse fyller kriteriene som er beskrivne i annonsen. Offentleg søkjerliste utarbeidast etter søknadsfristens utløp. Dersom du ønskjer å reservere deg frå oppføring på offentleg søkjerliste må dette grunngjevast. Du vil få varsel om reservasjon ikkje tas til følgje.