5 stillingar à 100% som lærar ved Kinsarvik skule

Ledige lærarstillingar ved Kinsarvik skule 

Som lærar hos oss får du arbeide i eit miljø med kjekke kollegaer, høg kompetanse og moglegheit til å delta i vidareutvikling av skulekvardagen til omlag 170 flotte elevar! 

Ledige lærarstillingar ved Kinsarvik skule, skuleåret 2025-26 

Det blir ledig inntil 5 x 100 % stillingar ved Kinsarvik skule frå 01.08.2025. Både faste og vikariat. 

Me treng lærarar på ungdomstrinnet i faga norsk og engelsk,spes.ped., musikk og kroppsøving. Kan og bli tildelt funksjonen som kontaktlærar/sosiallærar.

Me treng og kontaktlærar 5.-7.trinn, med undervisningskompetanse i allmennfag. 

Om skulen 

Kinsarvik skule er ein 1.-10. skule i Ullensvang kommune. Skulen har 170 elevar, og omlag 40 tilsette. Me ligg fint til i sentrum av bygda Kinsarvik med gode uteområde rundt skulen. 

Utviklingsområdet vårt er motivasjon og meistring for alle. I tillegg arbeider skulen for at alle elevane skal ha eit godt læringsmiljø. 

Skuleleiinga består for tida av rektor og to avdelingsleiarar.

Skulen har 60 % merkantil ressurs. 

Ynskte kvalifikasjonar:

• Godkjent undervisningskompetanse 

Personlege eigenskapar: 

Me ser etter deg som : 

• trivst i lag med ungdomar 
• er ein god klasseleiar 
• er sjølvstendig 
• har gode samarbeidsevner og god relasjonskompetanse 

Me tilbyr: 

• Varierte arbeidsoppgåver 
• Løn etter hovudtariffavtalen 
• Gode moglegheiter for kompetanseheving med støtte frå kommunen 
• Ullensvang kommune har inkluderande arbeidsliv (IA), fleksibel arbeidstid og gode permisjons- og pensjonsvilkår 

Sletting av utdanningsgjeld/studielån:

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.

For å gjera unntak må kommunen ha heimel i lova og vurdera konkret i kvar sak kva som er grunnen til unntaket.

I følgje offentleglova § 25 vert det stilt følgjande krav for å få unntak:

"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/