IKT-konsulent/Systemforvaltar

Bak alle dei lysande skjermane og dei store, viktige systema som bidreg til å halde sjukehusdrifta i gang, står Helse Vest IKT. Vi forvaltar både dei kliniske og administrative systemløysingane for alle sjukehusa og andre helseføretak i Helse Vest. Vi er ei av dei største IT-verksemdene i Vest, og fokuset vårt er alltid pasienten.

I katalogen vår har vi alt frå komplekse regionale system, til mindre lokale system på dei enkelte sjukehusa. Mange av løysingane er særs kritiske i pasientbehandlinga, og stiller strenge krav til oppetid og kvalitet. Vi står midt mellom dei som lagar programvara, og dei som skal bruke ho - vi er bindeleddet. Det er difor viktig at våre forvaltarar både forstår og evnar å snakke sjukehusspråk på kundesida, og teknikarspråk med våre leverandørar.

Avdeling Tenesteutvikling har forvaltingsansvar for dei fleste systema våre. Dette inkluderer mellom anna endringshandsaming, planlegging og gjennomføring av oppgraderingar, system- og prosessforbetring, tett dialog med leverandørane våre, og 3. linje sakshandsaming.

Vi har no ledig fast stilling i Team Bio. Team Bio jobbar med diverse system som blir brukte i pasientbehandlinga, blant anna i samband med kirurgi, intensivbehandling, legemiddelproduksjon, innanfor fagfelta reumatologi, hørsel og beredskap, og systema som høyrer til mor/barn-porteføljen. Personen vi søkjer etter vil ha hovudfokus på operasjonsplanleggingsverktøyet Orbit, i tillegg til andre system som er i bruk i pasientbehandling.

Helse Vest IKT har kontor i Førde, Bergen, Haugesund og Stavanger, og vi er opne for å avtale arbeidsstad. Søkjarar vil bli vurdert fortløpande.

Arbeidsoppgåver

• Forvalting og vidareutvikling av ulike system brukt av ulike avdelingar i sjukehusa i Helse Vest
• Konfigurasjon og oppsett i enkelte av systema
• Vere tolk og bindeledd mellom leverandør og kunde (sjukehus)
• Ha 3. linje-rolla, vere siste støtteinstansen før saka går over til leverandør
• Produsere kunnskapsprosedyrar og annan dokumentasjon
• Både forstå systemet og funksjonaliteten, samt behovet til kunden
• Sakshandsaming, både brukarstøtte, feilsituasjonar og leveransar
• Fungere som knutepunktet mellom oss, leverandørar, andre eksterne og helseføretaka.
• Organisere og delta i testing i samband med nye utrullingar, oppgraderingar og feilrettingar

Kvalifikasjonar

• Relevant universitets- og/eller høgskuleutdanning med fordjuping innan IKT og/eller helsefagleg utdanning
• Erfaring med forvalting av IKT-system og -løysingar vil vere ein føremon, men er ikkje eit krav
• Kjennskap til prosessar i sjukehusa vil vere ein føremon, men er ikkje eit krav
• Erfaring frå prosjektarbeid er ein føremon
• Må kunne kommunisere skriftleg og munnleg på norsk og engelsk

Personlege eigenskapar

• Gode relasjonelle ferdigheiter - du ser alle sine behov og klarar å formidle det som skal til
• Du likar å tileigne deg ny kunnskap og ta tak der det trengst
• Du er tydeleg - du har ikkje telefonskrekk, frykt for å ta ordet eller vere ærleg om det som manglar
• Blikk for detaljar - du er løysingsorientert og feilsøkande, og har evna til å løfte blikket og sjå heilskapen
• Smittsam personlegdom - i ein pressa situasjon klarar du å få fram det positive og gjere frustrasjon om til løysingsjakt
• Deling av kunnskap – du ser verdien av å dele kunnskap med dine kollegaer, kundar og andre samarbeidspartnarar
• Nyfiken – du er nyfiken og torer å spørje for å betre forstå
• Initiativ – du ser behovet for og evnar å ta ansvar og styring når situasjonen krev det
• Teknisk forståing – du er både interessert i å finne ut av og evnar å forstå korleis ting heng saman
• Interesse for vidareutvikling og forbetring av løysingar – du må brenne for å gjere ting betre og levere gode tenester til kundane våre

Vi tilbyr

• Ein trygg arbeidsstad med gode pensjonsordningar
• Ordinær arbeidsdag er 7,5 timar, inkludert lunsj
• Gode utviklingsmoglegheiter, både kompetansemessig og karrieremessig
• Inkluderande og kunnskapsrike kollegaer som alle jobbar for det felles beste
• Fleksibel og moderne arbeidstidsordning
• Moderne maskinvare og utstyr

Vi oppfordrar alle søkjarar til å nytte Vitnemålsportalen til å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.