Vi treng fleire dyktige portørar, vil du bli med på laget?

Hospitaldrift er ei av avdelingane i Drift/teknisk Divisjon i Helse Bergen, og leverer ikkje-medisinske tenester og -produkt til føretaket. Hospitaldrift har 8 einingar og om lag 815 medarbeidarar. Hospitaldrift Transport er ei av einingane i Hospitaldrift. Vi utfører portørtenester, forsyningstenester, avfallshandtering og andre interne transporttenester for helseforetaket. Vi har om lag 140 medarbeidarar og er delt i tre seksjonar; Pasientportørteneste, Forsyningsteneste og Miljøhall -og varetransport.

Pasientportørtenesta er ein intern serviceseksjon med døgnkontinuerleg drift. Vår hovudaktivitet er pasienttransport, både på sjukehuset og til andre einingar i Helse Bergen. Seksjonen utfører óg andre transporttenester som henting og levering av prøver og blod og reine og skitne senger. Vi er ein viktig bidragsytar for god pasientflyt og logistikk for heile sjukehuset. Portørfaget blei godkjend som eige fagbrev for få år sidan og vi satsar på utdanning av både lærlingar og fast tilsette. Seksjonen er organisert med seksjonsleiar og driftskoordinatorar og har om lag 70 tilsette.

Vi har no ledig 100 % faste stillingar som portør.

Arbeidsoppgåver

Oppgåvene er pasientretta og består mellom anna av:

• Transport av pasient i seng/bil/ rullestol
• Transport av reine og skitne senger
• Transport av blodprodukt, prøver og varer
• Henting og transport av pasientar som kjem med helikopter
• Arbeidet inneber mykje fysisk aktivitet og kan vere både fysisk og psykisk krevande
• Stillinga medfører pt. 3-skiftsarbeid i turnus pt på dag, kveld, natt og 3.kvar helg

Kvalifikasjonar

• Førarkort klasse B
• Truckførarbevis klasse T1, ikkje eit krav
• Førstehjelpskurs er ein fordel
• Særs god norsk munnleg framstilling
• Grunnleggande datakunnskapar
• Må kunne arbeide i 3 skift

Personlege eigenskapar

• Ansvarsbevisst og tillitskapande
• Serviceinnstilt med godt humør
• Gode kommunikasjonsevner og relasjonsbyggjande eigenskapar
• Systematisk og strukturert
• Løysingsorientert
• Evne til å arbeide sjølvstendig
• Kunne jobbe bra under press og takle store mengder arbeid
• Kunne utføre og trivast med arbeid som kan vere både fysisk og psykisk krevjande
• Kunne efterleve teieplikta
• Etterleve våre kjerneverdiar i alt arbeid: Respekt - Tryggleik - Kvalitet

Vi tilbyr

• Lønn i samsvar med gjeldande overeinskomst
• Gode pensjons- og forsikringsordningar
• Triveleg arbeidsmiljø
• Gjevande og variert arbeidsdag
• Ein arbeidsplass som er ei inkluderande arbeidslivsbedrift (IA-bedrift)
• Bedriftsidrettslag

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.