Volkswagen Transporter

God og praktisk bil til sals grunna overgang til elbil.

Kjøpte bilen i august 2016 og har brukt den som privatbil. Bilen har komplett servicehefte utført på lokalt Bilxtra-verkstad.

• Denne bilen har 3.200 kg tillatt totalvekt, medan dei fleste andre har 3.000 kg.
• Tilhengarvekt er 2.500 kg.
• Bilen er utstyrt med diffsperre på bakakslingen som kan vere avgjerande på dei verste dagane.
• Kjekt med skyvedør på venstre side (mykje brukt til dagleg, handleposar osv) i tillegg til topphengsla bakdør (perfekt å bruke som tak når det regnar)
• Bra med opphengkrokar på begge sider bak og i kupe til oppheng av klede, utstyr osv. Har fungert perfekt som bil til fritid, jakt, friluftsliv osv.
• Bilen har komfort-vegg installert med ein ekstra "karnapp" bak førarsetet. Tidligare eigar satt i rullestol og hadde ein spesialstol fram til eg kjøpte den i 2016. I karnappet har eg montert inn ei lita 12V datavifte som sirkulerer den oppvarma lufta bak i lasterommet for å tørke/varme lufta der bak. Original bakvegg kan følge med.
• Den har komplett DEFA-pakke med motorvarmar, kupevarmar og batteriladar. Systemet er styrt frå eit panel inne i bilen. Dette har fungert meget godt og går fri evnt nedstenging av 2G-nettet. Motorvarmar har blitt flittig brukt. Ein merkar stor forskjell på motorgange når den ein sjelden gong ikkje vert brukt.
• I tillegg til DEFA-varmar har den også Webasto, som ein enten kan starte frå bilen, frå fjernkontroll, eller på tidsur som du kan programmere i bilen. Webasto-brennaren vart skifta i 2019
• Bilen har stått i garasje om vinteren. Kald garasje heime og oppvarma garasje på jobb.
• Motoren begynte å bruke olje i 2017 og eg fekk bytta motor (short block) dekt av forsikringa. Dette vart utført på Berge & Co (Frydenbø) i Stryn. Samtidig vart det bytta regreim og vannpumpe.
• I front har bilen 2 stk Maxtel Xenon langlys og 1 Purelux Major S530 ledbar. I hovedlysa er dei originale halogen-pærene skifta ut med LED-pærer. Pærene i ryggelysa er også skifta ut med LED-pærer. Totalt gjer dette at bilen er meget godt opplyst.
• Vinterdekka på 17" (avbilda) er på tredje sesongen. Nokre av piggane har forsvunne, men det er godt med spor i dekka. Dei har fungert meget godt. Felgane er ikkje dei finaste.
• Sommardekka er 19". To av dekka vart skifta i september 2023, medan to vart skifta no i vinter (ubrukte)
• Eit sett med finare 17" felgar kan følge med (slitte sommardekk)
• Setene har originalt varetrekk. Dette ser ut som nytt og seta under ser veldig fine ut.
• Har kvitteringar for samtlige verkstad-besøk i mitt eige (sida 2016). Total påkost ca 270.000 kr
• Motor og girkasse vart optimalisert av Vestfold Chiptuning i februar 2019. Dette gjor at bilen vart sprekare og gira på ein meir naturligmåte. Det gav bilen ein teoretisk motoreffekt på 205 hk og ein nedgang i forbruk på 5,4 %. (Alle dieselfyllingar nedskrive og dokumentert sida 1. jan 2018). EGR-ventilen vart stengt også.
• Bilen fekk Fluid film-behandling i nov 2018 og etterbehandling i nov 2020. Denne hadde nok hatt godt av ei ny behandling
• Begge batteria vart skifta sommaren 2024.
• For 2-3 år sida begynte det å bli rust nederst på dørene. Eg valde tilslutt å behandle dette sjølv. Dette vart gjort ved at eg slipte vekk rust med roterande stålbørste og behandla med Evapo-rust Gel, Owatrol og Bengalakk. (Svart stripe nedst på dørene). Dette måtte eg igjen utføre i haust. Denne rusten er nok vanskelig å bli kvitt og vil garantert kome tilbake. Fordelen med metoden eg valgte, er at dette er noko ein kan utføre sjølv, treng ikkje leige eit lakk-verkstad til 20.000 kr pr gang.
• Det begynne å kome rust rundt dørhandtak og hjulbuar. Eg har ikkje gjort noko med dette, men det kreve tiltak.
• Viskar på bakrute fungerer ikkje. Usikker på kvifor, mulig det berre er ei sikring.
• Service omlag årleg eller cirka på kvar 15.000 km i mitt eige.
• Service på 31.942 km, 63.396 km, 95.259 km, 120.529 km, 140.393 km, 154.849 km, 166.903 km, 182.612 km, 196.328 km, 209.492 km, 224.919 km.
• Service og reperasjonar utført på autorisert Bilxtra-verkstad og er ikkje "ihjel-skrudd" på heimebane.

Eg har prøvd å liste opp alt eg veit om bilen, men bilen er 14 år og har gått nesten 230.000 km. Den blir derfor solgt utan noko form for garanti.