Reinhaldsleiar

Eigedomsavdelinga er Vestland fylkeskommune si fagavdeling for bygge- og eigedomssaker. Avdelinga skal ivareta fylkeskommunen sin byggherrefunksjon og er ansvarleg for forvaltning, drift, reinhald, vedlikehald og utvikling av fylkeskommunen sine eidegomar. Samla areal på eigedomsmassen er om lag 750 000 m², og utgjer mellom anna vidaregåande skular, tannklinikkar, kollektivanlegg og kultur- og administrasjonsbygg. Reinhaldstenesta er delt i 2 regionar og organisert i områder, der kvar reinhaldsleiar har ansvar for 1-4 lokasjonar kvar. Vi trur at kvalitet i tenestene vert skapt gjennom godt arbeidsmiljø og mangfald blant dei tilsette.

Vår ledige stilling som Reinhaldsleiar er for tida knytt til lokasjonene Sogndal vidaregåandeskule, Fylkesbygget på Hermannsverk, Vitemeir senteret på Kaupanger og Årdal vidaregåande skule. Stillinga er ledig frå 01.05.2025.

Vi har arbeid godt med arbeidsmiljøet i eininga og vann i 2024 arbeidsmiljøpris, og dette er vi veldig stolte av. Som reinhaldsleiar vil du vere med på å oppretthalde fokuset på nærværsarbeid i avdelinga.

Alle nytilsetjingar vert gjort med ei prøvetid på 6 månader. Det er krav til politiattest. Administrasjonsmålet i fylkeskommunen er nynorsk
Vi legg vekt på personleg eigenskapar.
Vi gjer merksam på at i fylgje offentleglova §25, 2. ledd kan opplysningar om søkaren bli offentleggjort sjølv om du har oppmoda om å ikkje bli ført på offentleg søkarliste. Dersom du har bedt om unntak frå offentleg søkarliste vil du alltid bli varsla før søkarlista vert offentleggjort.

Arbeidsoppgåver

• Dagleg drift av einingane, opplæring og oppfølging av tilsette
• Sørgje for eit helsebringande arbeidsmiljø for dei tilsette
• Koordinere og kvalitetssikre arbeidet
• Ha det overordna ansvaret for reinhald på lokasjonane du har ansvar for
• Rapportering
• Rekruttering

Kvalifikasjonar

• Fagbrev innan reinhald, eller lang relevant erfaring. Du må vere villig til å ta fagbrev om du ikkje har
• Leiarerfaring og kan vise til gode resultat
  
• God økonomisk forståing
  
• Gode IT-kunnskapar
  
• Det er ønskjeleg at du har sertifisering/erfaring med INSTA 800 nivå 3
  
• Førarkort klasse B

Personlege eigenskapar

• Set brukar i fokus
• Evne til å skape gode relasjonar på tvers av arbeidsstader
  
• Har fokus på arbeidsmiljø og dine medarbeidarar
  
• Skapar tillit og samhald
  
• Løysingsorientert og proaktiv
  
• Vert motivert av å skape resultat saman med andre
  
• Har god gjennomføringsevne og kan jobba sjølvstendig

Vi tilbyr

Ei spanande stilling med ansvar, utfordringar og gode utviklingsmoglegheiter. Hjå oss vil du få moglegheit til å vekse både personleg og profesjonelt. Du vil bli ein del av eit svært kompetent leiarteam med eit inkluderande arbeidsmiljø der latteren sit laust. Vi sørgjer for å ha det gøy saman kvar dag!

I tillegg tilbyr vi:

• Grundig leiaropplæring med moglegheit for interne og eksterne kurs
• Støtteapparat (HR, HMSK, løn)
• Løn etter gjeldande lønsvilkår
• Oppstart etter avtale
• Gode pensjons- og forsikringsordningar