Studentengasjement for jusstudentar

Finanstilsynet søkjer to jusstudentar til inntil 20 % studentengasjement i seksjon for fond og kollektive investeringar. Vi ønskjer oss studentar som har interesse for verdipapirområdet og som er omtrent halvvegs i masterstudiet i rettsvitskap denne våren.

Arbeidsoppgåver

• Engasjementa er tilknytt seksjon for fond og kollektive investeringar som fører tilsyn med forvaltningsselskap for verdipapirfond og forvaltarar av alternative investeringsfond og behandlar forvaltnings- og utgreiingssaker innanfor dette området.
  
• Arbeidet vil hovudsakleg omfatte behandling av ulike meldingar om grensekryssande verksemd etter verdipapirfondslova og lov om forvaltning av alternative investeringsfond og å svare på førespurnader om slike meldingar. Det vil bli moglegheit for å arbeide med andre typar saker knytte til verdipapirlovgivinga.
  
• Arbeidet gir god innsikt i norsk og internasjonal rett på området.
  
• Det mest vesentlege av arbeidet blir føresett å skje innanfor normal kontortid, men kan tilpassast forelesingar, anna undervisning og eksamensførebuingar.

Kvalifikasjonar

• Vi ønskjer oss studentar med gode karakterar som er omtrent halvvegs i masterstudiet i rettsvitskap.
  
• Vitnemål/karakterutskrifter (f.o.m. vidaregåande) og relevante attestar må leggjast ved.

Personlege eigenskapar

• positiv og god til å samarbeide
  
• effektiv og nøyaktig
• god skriftleg og munnleg framstillingsevne på norsk og engelsk

Personlege eigenskapar og motivasjon vil bli vektlagd.

Vi tilbyr

• saksbehandlingsoppgåver som gir jusstudentar god og relevant erfaring
  
• opplæring og gode moglegheiter for utvikling i eit miljø med høg fagkompetanse
  
• lokale i Kvadraturen i Oslo sentrum
  
• engasjementa er timebaserte og blir lønte per dags dato med kr. 219, 33 per time

Anna

• Etter at søknadsfristen er gått ut, utarbeider vi ei offentleg søkjarliste, jf. offentleglova § 25.
• For å bli vurdert må du leggje ved vitnemål og relevante attestar.
• Du kan skrive søknaden på nynorsk eller bokmål.
  
• Vi utfører bakgrunnssjekk av dei som blir tilsette i stillinga.
  
• Alle tilsette i Finanstilsynet må følgje dei etiske retningslinjene våre, sjå https://www.finanstilsynet.no/jobb-hos-oss/#Etiskeretningslinjer
  
• Finanstilsynet er oppteken av mangfald, og vi oppmodar derfor alle kvalifiserte kandidatar til å søkje jobb hos oss, uansett alder, kjønn, funksjonsevne, etnisk bakgrunn eller hol i CV-en. Dersom det er mogleg, vil vi leggje til rette for medarbeidarar som har behov for det. For positiv særbehandling, sjå http://arbeidsgiver.difi.no/positivsaerbehandling
  
• Les meir om Finanstilsynet på nettstaden vår - www.finanstilsynet.no