Rådgjevar (jurist) ved HR-avdelinga

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://youtu.be/vtJLmcUJ3-w

Rådgjevar 

Er du ein jurist med interesse for arbeidsrett som ønsker å utvikle deg innanfor feltet ved Universitetet i Bergen?

Stillinga er lagt til Seksjon for arbeidsgjevarpolitikk og strategi. Seksjonen har det overordna og koordinerande ansvaret for å utvikle og følge opp strategi, politikk og reglar knytt til UiBs arbeidsgjevarpolitikk og -praksis.

Avdelinga støtter og rådgjer universitetet sine leiarar og tilsette i HR- og organisasjonsfaglege spørsmål. Ved sida av arbeidsgjevarpolitikk, har HR-avdelinga mellom anna ansvar for leiar- og organisasjonsutvikling, sakshandsaming og leiarstøtte på personalfeltet, sikring og utvikling av arbeidsmiljøet og dokumenthandsaming.

Hovudoppgåvene i stillinga vil vere knytt til arbeidsrettsfeltet i ei statleg verksemd innanfor universitets- og høgskulesektoren. Dette inneber arbeid med aktuelt lovverk innanfor både individuell og kollektiv arbeidsrett. Det må også påreknast arbeidsoppgåver innan heile HR-avdelinga sitt fagfelt.

Du vil jobbe saman med fleire juristar og andre røynde medarbeidarar i eit miljø med brei HR-fagleg kompetanse. Du vil få varierte oppgåver og gode moglegheiter til å bidra innan heile HR-feltet.

Arbeidsoppgåver:

• Leiarstøtte i prosessar og i enkeltsaker
• Rettleiing, rådgjeving og sakshandsaming innan det arbeidsrettslege området, til dømes personal- og varslingssaker
• Formidling og opplæringsverksemd innan HR sitt ansvarsområde 
• Juridisk rådgjeving om/retta mot internasjonale arbeidsforhold
• Deltaking i prosjekter og utviklingsarbeid
• Utgreiingsoppgåver, høyringar og handsaming av innsynskrav
• Utvikling og vedlikehald av reglar, rutinar og retningsliner
• Arbeidsoppgåver knytt til kollektiv arbeidsrett/tariffavtalar, til dømes lønsoppgjer og anna partssamarbeid
• Nye oppgåver kan kome til

Kvalifikasjonar og eigenskapar:

• Masterutdanning i rettsvitskap
• Relevant arbeidserfaring
• Det er ein fordel med kjennskap til offentleg forvaltning og universitets- og høgskolesektoren
• Initiativrik, med evne til å sette seg raskt inn i nye problemstillingar
• Evne til å arbeide sjølvstendig og i samarbeid med andre
• Strukturert, ansvarleg og i stand til å handtere fleire prosessar samtidig
• God munnleg og skriftleg framstillingsevne

Vi kan tilby:

• Eit godt arbeidsmiljø i moderne lokale
• God moglegheiter for kompetanseutvikling
• Stilling som rådgjevar (kode 1434). Løn kr 670 000 - 720 000 i det statlege lønsregulativet. For særleg kvalifiserte søkjarar kan det verte aktuelt å vurdere høgare løn.
• Medlemsskap i Statens pensjonskasse
• Gode velferdsordningar (https://www.uib.no/foransatte/17399/velferd)
• Fleksibel arbeidstid og moglegheit for heimekontor

Generell informasjon:

Utfyllande opplysningar om stillinga kan ein få ved å vende seg til: seksjonssjef, Jan Frode Knarvik, tlf.: 472 72 951,  Jan.Knarvik@uib.no

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her (https://www.uib.no/hr/74251/ansettelsesprosessen).