Vil du vere med å gje barn og unge ein trygg oppvekst?

Er du vår nye kollega? Vi har ledig fast stilling som barnehagelærar

Vi ser etter deg som bidrar til å skape eit godt arbeidsmiljø og som tar initiativ i ein hektisk og fantastisk kvardag.

Arbeidsstad 
Os barnehage ligg i Gymnasvegen tett ved Os sentrum.  Vi har 8 avdelingar der to og to avdelingar samarbeider og vert kalla base.  Vi har pr no 104 barn i alderen 0-6 år og 26 årsverk.  Vi har gangavstand til bibliotek, skule, butikkar, idrettsanlegg og kort veg til flotte turområder.
Vi har fokus på at kvart barn skal bli sett og høyrt.  Det er viktig at barnet opplever glede og meistring i kvardagen.  Mottoet vårt er: "kvardagen er viktigst"

Arbeidsoppgåver
- Medansvar for planlegging, gjennomføring, vurdering, og dokumentasjon av det pedagogiske tilbodet til barna.
- Medansvar for satsningsområda til kommunen som ASK, Saman mot mobbing og BTI
- Medansvar for informasjonsutveksling og samarbeid med foreldre.
- Sjølvstendig og i fellesskap med anna personale bidra til eit godt arbeidsmiljø og jobbe mot barnehagens mål.
- Jobbe etter føringar i barnehagelova, rammeplan og årsplan til barnehagen
- Følge opp rutinar og handlingsplanar på eiget initiativ

Kvalifikasjonar
- Utdanning som barnehagelærar. 
- Utanlandsk utdanning må vere godkjend av Direktoratet for høyere utdanning og kompetanse (HK-dir): https://hkdir.no/utdanning-fra-utlandet
- Søkarar må ha særs gode munnlege og skriftlege norskkunnskapar. Nynorsk er administrasjonsmålform i Bjørnafjorden kommune.

Vi gjer merksam på at du må legge fram politiattest. 

Eigenskapar
- Vi ser etter ein pedagog som er fagleg engasjert og oppdatert.
- Du viser omsorg, evner å skape relasjonar til store og små, tar ansvar, ser barnas individuelle styrkar og behov, og sørger for at dei opplever meistring gjennom leik og læring.
- Du ønsker å utvikle deg fagleg i eit miljø kor du får støtte og veiledning.
- Du kan arbeide både sjølvstendig og i team for å nå barnehagens mål.
- Du ser verdien av eit godt samarbeid med barnas foreldre.

Det vert lagt vekt på personlege eigenskapar.

Vi tilbyr
- Faglege og personlege utfordringar i eit godt og inspirerande arbeidsmiljø
- Gode pensjons- og forsikringsordningar
- Løn etter gjeldande avtalar
- Vi arbeidar for å få etablert heiltidskultur i kommunen

Etter utløpt søknadsfrist, vil det bli generert ei offentleg søkarliste med namn, alder, stilling eller yrkestittel og bustads- eller arbeidskommune for kvar søkar. Det kan gjerast unntak frå innsyn for opplysningar om ein søkar dersom vedkomande sjølv ber om det. Opplysningar om ein søkar kan bli offentlege sjølv om ein har kryssa av for å bli unnateke. Dersom anmodninga ikkje vert tatt til følgje, vil søkaren bli varsla om det.

Vi vil aldri be søkar om å oppgi BANK-ID informasjon i søknadsprosessen