Kvalitetsleiar blodbank

Bli med på laget på LMBB – din sjanse til å kombinere fagleg utvikling med spektakulær vestlandsnatur! Vi har ledig stilling som kvalitetsleiar for blodbanken.

Er du bioingeniør og klar for nye utfordringar? Hos oss på Lab. medisinsk biokjemi og blodbank (LMBB) i Førde, får du moglegheit til å jobbe med moderne analysemetodar i eit dynamisk og sosialt arbeidsmiljø. Blodbanken i Helse Førde er organisert i fellesavdeling med medisinsk biokjemi. Det er ei avdeling på tvers av sjukehusa i Førde, Lærdal og Nordfjordeid. I tillegg er der ein tappestasjon i Florø.

🌟 Her får du:
Variert arbeid innan medisinsk biokjemi og transfusjonsmedisin
Tett samarbeid med erfarne kollegar i eit team på ca. 35 dedikerte medarbeidarar (bioingeniørar, helsesekretærar, legar og sjukepleiarar)
Arbeide med topp moderne utstyr og automasjon.

Stillinga som kvalitetsleiar er organisert i stab til avdelingssjef. Avdelinga har i dag eit godt kvalitetsstyringssystem og tilhøyrande kompetanse, og arbeida for å kunne søkje akkreditering for våre laboratorietenester. Den som blir tilsett får ansvar for å samordne kvalitetsstyringsystemet for all transfusjonsverksemd i Helse Førde, i samarbeid med kvalitetsansvarlege og fagansvarleg. Hovudarbeidsplassen vil vere ved Førde sentralsjukehus, og det må påreknast noko reiseverksemd til dei andre blodbankeiningane.

🌍 Førde – din nye by:
Ein sjarmerande by med rikt kulturtilbod, butikkar, restaurantar og arrangementer
Fantastisk tilgang til naturen: toppturar, skianlegg, båtliv og fiskemuligheter rett utanfor døra
Sentralt plassert mellom Ålesund og Bergen. Oslo er berre ein kort flytur unna.

🎉 Sosialt miljø:
Vi trur på balanse mellom arbeid og fritid! Bli med på buldring, jogging, quiz, kampsport og andre kjekke og sosiale aktivitetar saman med kollegaer.

Arbeidstida er hovedsak dagtid mandag til fredag med helgearbeid ca kvar 4 helg.

Er du klar for å ta steget? Ta kontakt for spørsmål om stillinga, og bli ein del av vårt team!
Startdato etter avtale. Vi gledar oss til å bli kjent med deg!

Sjå video for å bli kjent med oss i LMBB.

Arbeidsoppgåver

• Vidareutvikle og vedlikehalde kvalitetsstyringssystemet
• Prosedyregodkjenning
• Delta i og gjennomføre interne revisjonar
• Støtte leiarar og fagleiarar i kvalitets- og forbetringsarbeid
• Opplæring og undervisning
• Delta i rutinearbeid for å halde seg oppdatert på prosedyrer og rutiner

Kvalifikasjonar

• Autorisert bioingeniør
• Erfaring innan transfusjonsmedisin er ein fordel
• Erfaring frå kvalitetsarbeid, sertifisering, akkreditering og/eller revisjon er ein fordel
• Gode IT-kunnskaper
• Kunne uttrykke seg godt på norsk både munnleg og skriftleg

Personlege eigenskapar

• Evne til å arbeide sjølvstendig og strukturert
• Gode kommunikasjons- og samarbeidsevner
  
• Interesse for kontinuerleg forbetringsarbeid
• Engasjert og målretta
• Må trivast i eit aktivt og til tider travelt miljø

Vi tilbyr

• Spennande og utfordrande arbeidsoppgåver
• Høve til opplæring og kompetanseutvikling
• Lønn og arbeidsvilkår i samsvar med gjeldane overeinskomst
• Gode pensjons- og forsikringsordningar
• Sjukehuset kan bidra med å skaffe bustad

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.