Er du vår nye IKT- medarbeidar?

Vi søker etter ein engasjert medarbeidar til vår IKT-gruppe ved Avdeling for medisinsk biokjemi og farmakologi (MBF). Gruppa består for tida av 5 tilsette og arbeidskvardagen inneber mellom anna IKT hjelp og rettleiing til alle seksjonane i MBF, i tillegg til andre avdelingar i Laboratorieklinikken. Samarbeid på tvers av avdelingane i Laboratorieklinikken, mot kliniske avdelingar i Helse Bergen og regionalt samarbeid i Helse Vest er viktig for den vidare utviklinga.

MBF er ein av i alt åtte einingar som er organisert under Laboratorieklinikken i Helse Bergen, og har om lag 370 tilsette. Avdelinga har 12 analytiske og 4 ikkje-analytiske seksjonar, tre legegrupper (seksjon for medisinsk biokjemi, Hormonlaboratoriet og seksjon for klinisk farmakologi), i tillegg til NAPOS, NOKLUS Vest, RELIS og Norsk kvalitetsregister for fedmekirurgi. Det blir utført analysar innan fagområda medisinsk biokjemi og klinisk farmakologi, og har moderne analyseinstrument. I tillegg til ei omfattande rutinedrift som inneber døgnkontinuerleg vaktordning blir det drive forsking og utviklingsarbeid. Laboratoriet er akkreditert etter ISO standard 15189.

Avdelinga nyttar laboratorieinformasjonssystemet Unilab saman med andre laboratorieavdelingar i Helse Bergen og andre laboratoria i Helse Vest. Systemet har mange integrasjonar mot diverse analyseinstrument og ulike andre IKT-system.

Vi søker deg som er ein lagspelar, som likar deg i eit aktivt miljø og som ønsker å bidra til eit godt arbeidsmiljø. Tillit, ansvar og sjølvstende er viktig for oss.

Dersom du ønsker å bidra til ein forbetra pasientkvardag og halde fokus på kvalitet og utvikling av nye metodar og system, oppmodar vi deg til å søke.

Arbeidsoppgåver

• Vedlikehald av og deltaking i utvikling av laboratorieinformasjonssystemet (Unilab). Herunder er testing av nye versjonar, integrasjonar, generere rapportar, oppdatere systemdata ved endring i ulike system i tillegg til utarbeiding av dokumentasjon og prosedyrar
• Delta i implementering og integrasjonar av tekniske instrument, mellomvare og anna driftsutstyr
• Delta i drift og vedlikehald av IKT-system ved avdelinga
• Rådgjevande vedrørande IKT-løysingar ved innkjøp av nytt utstyr
• Vere med på å utvikle og forbetre avdelinga sitt arbeid med kvalitet
• IKT-medarbeidarar deltar i ulike IKT-prosjekt ut frå erfaring og kompetanse. Til dømes tverrfaglege prosjekt og prosjekt med grenseflate mot laboratorieinformasjonssystemet
• Andre arbeidsoppgåver kan og vere aktuelle
• Blodprøvetaking kan vere aktuelt
  

Kvalifikasjonar

• Erfaring og/eller utdanning innan IKT-fag og norsk autorisasjon som bioingeniør (bachelor) er den beste kombinasjonen. Alternativt IKT-utdanning med relevant erfaring, og med det føreset at søkar er villig til å opparbeide kompetanse innanfor laboratoriedrift
• Bioingeniørar med stor interesse for IKT i laboratoriet kan også søke
• Må meistre godt norsk og engelsk, munnleg og skriftleg
• Generelt god datakunnskap.

Personlege eigenskapar

• Fleksibel, utadvendt og serviceinnstilt med gode kommunikasjonsevner
• Evne til sjølvstende og teamarbeid
• Bidrar positivt til eit fagleg og kollegialt godt miljø
• God fagleg vurderingsevne, arbeider målretta og strukturert
• Tar personleg ansvar for at oppgåver blir gjort, tilbyr gjerne hjelp og deler raust med kompetansen din
• Må tole høgt arbeidstempo i periodar og pressete situasjonar
  

Vi tilbyr

• Opplæring og innføring i oppgåvene vil bli gitt
• Lønn etter avtale
• Høgt fagleg nivå
• Eit engasjert og godt arbeidsmiljø med kompetente og stolte medarbeidarar
• Stillinga er ei dagstilling
• Gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.