Vil du jobbe med praktisk forskingsarbeid i sommar?

Nøkkelinformasjon

Vi søker inntil 3 sesongarbeidarar som vil jobbe med praktisk forskingsarbeid innan jordbruk på NIBIO Fureneset. Arbeidsområdet er primært forsøksarbeid knytt til feltforsøk i eng. Til stillingane ligg også vedlikehald og drift av jordbruksareal, hagar og bygningar.

Feltsesongen går frå starten av april til slutten av september. Vi treng 1 person som kan jobbe heile perioden, men vi treng og medarbeidarar som jobbar delar av perioden.

NIBIO Fureneset ligg lengst vest i Fjaler kommune i Vestland og driv med forsking og utvikling innan grovfôrproduksjon på Vestlandet. 

Fureneset

Fureneset ligg ytst i havgapet tett på
natur, og med gode forhold for friluftsliv. Husvære kan leigast på staden, og det er kort veg til barnehage og skule. I kommunesenteret Dale er det vidaregåande skule og gode kulturtilbod. Arbeidsmarknaden i området er variert med stillingar på fleire utdanningsnivå blant anna innan
havbruk, teknologi, industri, undervisning og helse.

Hovudoppgåvene til stillinga

• Praktisk gjennomføring av feltforsøk i eng 
• Drift og vedlikehald av jordbruksareal 
• Uttak og bearbeiding av prøvemateriell 
• Enkel behandling av innsamla data 
• Delta i felles driftsoppgåver ved behov
• Vedlikehald av bygningar og utstyr

Kvalifikasjonskrav

• Førarkort for traktor (gjeld stillinga som går over heile perioden)
• Du bør vere over 18 år, men vi vurderer også tilsetting av ein person mellom 16 og 18 år
• Beherske norsk (evt. eit skandinavisk språk) både muntleg og skriftleg
• Interesse for praktisk jordbruk og forsøksverksemd

Vi ser etter deg som er nøyaktig, har gode samarbeidsevner, og som kan tilpasse deg skiftande arbeidsoppgåver og tempo. Vi arbeider i team, men det er og viktig at du kan organisere eige arbeid og arbeide sjølvstendig når det er behov for det. Arbeidet kan i periodar vere fysisk krevjande.

Det er ein fordel om du har

• Førarkort for traktor (gjeld dei som vil jobbe deler av perioden)
• Erfaring frå jordbruksdrift, og gjerne forsøksverksemd 
• Utdanning innen landbruk eller biologiske fag
• Førarkort for bil

Personlege eigenskapar

• Evne til å arbeide sjølvstendig og nøyaktig 
• Evne til samarbeid og bidra til eit godt arbeidsmiljø 
• Praktisk anlagt og løysingsorientert 
• Fleksibel med omsyn til varierande arbeidsoppgåver og arbeidstrykk

Vi tilbyr

• Meiningsfullt arbeid der ein bidreg til å løyse utfordringar innan grovfôrproduksjon
• Utfordrande, spennande og varierte oppgåver
• Eit sterkt fagmiljø med gode kollegaer

Stillingane blir lønna etter kvalifikasjonar, med utgangspunkt i kode 1115 Hjelpearbeidar (minimum 193 kr/t) eller kode 1511 Forskingsteknikar, (minimum 214 kr/time). Dersom du er under 18 år blir du tilsett i kode 1138 (minimum 149 kr/time).

Les meir om NIBIO som arbeidsgjevar her: Jobb i NIBIO (https://www.nibio.no/om-nibio/jobb-i-nibio?locationfilter=true)

Korleis søkja på stillinga

Søknad med CV sendar du elektronisk via lenkje på denne sida, "søk stillinga".

Vitnemål og attestar skal takast med ved eit eventuelt intervju, eller leggjast ved elektronisk.

NIBIO gjennomfører bakgrunnssjekk på aktuelle kandidatar via samarbeidspartnaren vår Semac AS.

Video: https://youtu.be/6mZySoUgD2Q

Andre opplysingar

Vi legg vekt på mangfald på arbeidsplassen og oppmodar kvalifiserte kandidatar til å søkja - uavhengig av alder, kjønn, funksjonsevne, hol i CV, nasjonal eller etnisk bakgrunn.

Som statleg verksemd har vi moglegheit til å gi ein positiv særbehandling for søkjarar som har funksjonsnedsetjing, hol i CV eller innvandrarbakgrunn. Positiv særbehandling inneber mellom anna at du lettare vil komma til intervju.
Les meir om dette her (https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten).

Vi gjer merksam på at opplysingar om søkjaren kan verte gjorde offentlege, jf. Lov om rett til innsyn i dokumenter i offentleg verksemd (offentleglova), § 25. Ein søkjar kan be unntak frå oppføring på den offentlege søkjarlista. Dersom oppmodinga ikkje vert teken til følgje, vert søkjaren varsla om dette.