Vaktmeister ved drift og vedlikehald

Om arbeidsstaden

Samfunnsutvikling er ei eining med om lag 35 tilsette og blir leia av kommunalsjef. I denne eininga inngår næring, folkehelse, plan- og byggesak, drift og vedlikehald, brann- og redning, beredskap og utbyggingsprosjekt.

Avdeling drift og vedlikehald har åtte tilsette og driv med forvaltning, drift og vedlikehald av kommunen sin eigedom; bygg, vegar, idrettsanlegg og kaiar. Avdelinga har ansvar for oppfølging av teknisk tilsyn, forbruk av energi, dagleg reinhald og vedlikehald. Avdelinga har base på Austevoll brannstasjon og det er eit tett samarbeid med beredskap, brann og redning. Eininga har eit godt arbeidsmiljø og er i utvikling for å møta nye utfordringar og oppgåver. 

Om stillinga

Austevoll kommune har ledig 100 % stilling som vaktmeister.

Vi vil kunne omorganisere dagens ansvarsområde for å tilpasse kvalifikasjonane til dei arbeidstakarane vi har i vår avdeling opp mot kvalifikasjonar nye tilsette innehar.

Ansvars- og arbeidsoppgåver:

• Vedlikehald og drift av kommunale bygg og eigedomar
• Arbeidsstad og oppgåver kan endrast dersom arbeidsgivar ønsker det

Kvalifikasjonskrav

Formelle kvalifikasjonskrav

• Fagbrev innan byggfag eller anna relevant utdanning og praksis (rørleggar, ventilasjon eller liknande)
• Erfaring som vaktmeister eller arbeid innan handverksfag
• Erfaring frå drift av svømmeanlegg er ein fordel
• Må kunne kommunisere både skriftleg og munnleg på norsk
• Bør vere godt kjent med bruk av pc som arbeidsverktøy og erfaring med datastyrte driftsanlegg (SD-anlegg) er ønskeleg

Personlege eigenskapar

• Gode samarbeidsevner
• Kan arbeide sjølvstendig
• God ordenssans og ansvarsfølelse
• Er løysingsorientert
• Har stor arbeidskapasitet og er serviceretta
• Har fokus på tryggleik
• Det blir lagt vekt på personlege eigenskaper

Vi tilbyr

• Moglegheit for fagleg utvikling i eit godt og positivt fagmiljø
• Varierte og spanande utfordringar
• Løn etter kvalifikasjonar
• Gode pensjons- og forsikringsordningar

Slik søker du

Send søknad og CV ved å klikke på knappen merka "Søk stilling" på denne sida.

Det er søkar sitt ansvar å sørge for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar.

Søknader kan ikkje sendast på e-post til enkeltpersonar i kommunen.

Vi gjer merksam på at i følge offentleglova § 25, 2. ledd kan opplysningar om søkaren bli offentleggjort sjølv om søkaren har oppmoda om å ikkje bli ført opp på offentleg søkarliste. Søkaren vil alltid bli varsla på førehand dersom søkarlista blir offentleggjort.