Ønskjer du nye utfordringar? Kva med å bli rådgjevar for oppvekst i Alver kommune?

Om stillinga

Det er no ledig 100 % stilling som rådgjevar oppvekst. 

Alver kommune har ledig ei stilling som rådgjevar innafor oppvekstsektoren, med hovudfokus på ansvarsområdet mynde barnehage, sakshandsaming og utviklingsprosessar. 
Stillinga er knytt til stab oppvekst. 
I Alver kommune er barnehage, barnevern, helsestasjon, PPT og skule organisert i oppvekstsektoren.

Arbeidsoppgåver

Stab oppvekst har eit stort omfang av sakshandsaming og forvaltning, og som rådgjevar vil du ha eit stort ansvar her. Dette vil mellom anna innebere å handsame søknader, fatte enkeltvedtak og lage grunnlag for refusjonar. 

I tillegg vil du, i samarbeid med tenesteleiarane for barnehage og skule, delta i utvikling og oppfølging av dei kommunale barnehagane og skulane. Dette vil innebere både internkontrollarbeid, analysekompetanse, støtte og rettleiing. 

Som rådgjevar vil du også vere involvert i utøving av kommunen si rolle som barnehagemynde. Denne rolla inneber mellom anna rettleiing, tilsyn og godkjenning av alle barnehagane i kommunen. Ansvaret som barnehagemynde gjeld både for kommunale og private barnehagar. 

Rådgjevar oppvekst vil kunne få eit sjølvstendig leiaransvar i utviklingsprosessar knytt til eitt eller fleire av dei prioriterte utviklingsområda for sektoren. 

Arbeidsoppgåvene i staben blir fordelt etter faglege prioriteringar, kompetanse, interesse og erfaring.

Den rette kandidaten har solid erfaring frå oppvekstfeltet og tverrfagleg samarbeid, er ein god relasjonsbyggjar og arbeider strukturert og målretta. 

Kvalifikasjonskrav

Kompetansekrav

• Relevant utdanning på universitets- eller høgskulenivå innafor oppvekstsektoren, fortrinnsvis barnehage
• Relevant erfaring frå tilsvarande stilling/barnehage

Personlege eigenskapar

• Svært gode kommunikasjons- og samarbeidsevner
• Ryddig og strukturert
• Evne til å motivere og skape engasjement 
• Endrings- og utviklingsorientert
• God munnleg og skriftleg framstillingsevne
• Høg integritet
• Løysingsorientert og sjølvstendig med sterk gjennomføringsevne og engasjement for å utvikle sektoren 

Ønskt kompetanse

• God kjennskap til offentleg forvaltning
• Gode digitale ferdigheiter
• God rettleiingskompetanse
• Erfaring i å leie større utviklings- eller investeringsprosjekt

Vi tilbyr

Lønn- og tilsetjingsvilkår i samsvar med lov- og avtaleverk.

Godt arbeidsmiljø og eit aktivt fagmiljø der du kan vere med å utvikle kommunen sine tenester.

Engasjerte og dyktige medarbeidarar.