
Veterinær - Deltidsstilling som tilsett veterinær og deltaking i vaktordning
Osterøy kommune
- Frist 31.3.2025
- Ansettelsesform Fast
Tilsett veterinær og deltaking i vaktordning
Har du lyst til å jobbe i vakre omgjevnader, omringa av fjord, fjell og skogar - samtidig som du får ein spennande og variert arbeidshverdag? Då er dette jobben for deg!
Osterøy kommune, berre 25 minutt frå Bergen, er ein aktiv landbrukskommune med kyr, sau, hest og noko gris. No søkjer vi ein engasjert veterinær i deltidsstilling som vil bli ein del av vårt dyktige team og ta del i vaktordninga.
Osterøy kommune har tre veterinærar i stordyrpraksis i 30 % stilling. Ein av veterinærane har slutta, og vi ser etter nokon som kan møte behova til bøndene våre og delta i vaktordninga.
På kvardagar omfattar arbeidsområdet Osterøy kommune. På kveld, natt og helg har kommunane Osterøy og Bergen nord (Arna og Åsane). Distriktet er relativt lettkøyrd, og med stort sett korte avstandar. Sidan det er tre veterinærar tilgjengeleg på dagtid, er det rom for å drive med smådyr i tillegg til produksjonsdyr.
Vi er tre veterinærar som betener ei firedelt vakt. Etter avtale med kommunen vert veterinærane kompensert med 100 % tillegg for kvar fjerde vakt. Med fastlønn, vaktgodtgjersle og næringsinntekt kan du forvente ei bruttoinntekt på om lag 800.0000 avhengig av erfaring og arbeidsmengde. Oppgjeve beløp er eit erfaringsbasert anslag og vil kunne variere.
Vi har eit sett med utstyr som kan lånast ved behov. Påsitterpraksis i samband med oppstart er mogeleg. Kommunen kan hjelpe med å finne bustad i ei oppstartsfase (leilegheit).
Krav til søkar:
- Krav om norsk veterinærautorisasjon
- Gode norskkunnskapar, skriftleg og munnleg
- Du må kunne jobbe sjølvstendig som veterinær
- Førarkort klasse B og eigen bil
- Bestått insemineringskurs
- Ante mortem-kurs (nødslakterkurs)
Det er ein fordel om du har interesse for smådyr i tillegg til produksjonsdyr, sidan oppdragsmengda for stordyr har variert noko det siste året.
Ta kontakt for meir informasjon:
Tore Johan Erstad, Leiar Teknisk forvaltning og plan, tlf. 402 86 556
Ida Nøst, kommuneveterinær, tlf. 465 06 938
Bjørn Hallan, kommuneveterinær, tlf. 454 35 650
Om arbeidsgiveren
Osterøy kommune – Nær byen, nær naturen. Osterøy, ei av Nord-Europas største innlandsøyer, eit levande lokalsamfunn med allsidig næringsliv, godt utbygd servicetilbod og vakkert landskap. Folketalet er på om lag 8 000 innbyggjarar og det er både bru- og ferjesamband til nabokommunen Bergen. Frå Lonevåg sentrum, kommunesenteret vårt, tar køyreturen til Bergen om lag 45 minutt, til Åsane tar det om lag 30 minutt og til Arna kjem du på om lag 20 minutt. I tillegg til Lonevåg har ein og Valestrand, Haus, Fotlandsvåg og Bruvik som større bygder/tettstadar.
Osterøy har ein allsidig og livskraftig småindustri innan mekanisk, møbel, tekstil og næringsmiddelindustri. Fiskeoppdrett/-foredling er og ei viktig næring. Landbruk sysselset om lag 300 personar og tømraryrket står framleis høgt i kurs her på Osterøy.
I Osterøy skal det vere godt å bu både for unge og eldre. Kommunen har eit rikt kulturliv, ulike idrettsaktivitetar, godt utbygd skule- og barnehagetilbod og gode helse- og sosiale tenester.
Bli med på laget i Osterøy kommune! Me ønskjer oss stadig fleire kompetente og engasjerte medarbeidarar. Me ser fram til å ta godt i mot deg og gje deg ein meiningsfull arbeidskvardag.
- Sektor: Offentlig
- Sted: Geitaryggen 8, 5282 Lonevåg
- Bransje: Dyr og dyrehelse, Jordbruk og skogbruk
- Stillingsfunksjon: Veterinær og dyrepleier
Landskap frå Mjeldalen til Haus (1/4)
Annonseinformasjon
- FINN-kode 395257576
- Sist endret