LEILEGHEIT I INNVIK

Stor leilegheit og stor terrasse med nydeleg utsikt over fjord og fjell. Terrassen er uvanleg stor og er utan innsyn. Her har ein høve til å samle mange folk ein fin sommarsdag. Konstruksjonen i bygget er slik at ein kan flytte ein del veggar og dermed endre rominndelinga om ein ønskjer det.

Leilegheita ligg fint til ved fjorden. Svært kort avstand til butikk, barneskule, kafe, busstopp og badestrand. Innvik ligg solvendt til, og er ei av bygdene i Nordfjord som har sola lengst om sommaren. Bygda badar i sol til omlag klokka 22 midt på sommaren. Innvik ligg tett på både fjord og høge fjell. Det er merka turløyper i nærområdet med ulik vanskegrad, og det er mange kjende fjelltoppar i nærleiken av bygda. Det er alpinsenter nær tettstaden Stryn og på Utvikfjellet. I tillegg er det sommarskisenter på Strynefjellet.- Innvik ligg 35 km. frå kommunesenteret Stryn. Turiststadane Olden og Loen ligg mellom Innvik og tettstaden Stryn.