Førsteamanuensis i helsevitskap med vekt på nevrologisk rehabilitering

Om stillinga

Ved Nord universitet, Fakultet for sjukepleie og helsevitskap, studiestad Bodø, er det ledig ei fast stilling i 40 % som førsteamanuensis knytt til master i helsevitskap, fordjuping og vidareutdanning i Nevrologisk Rehabilitering.

Nevrologisk Rehabilitering er eit tverrfagleg studieprogram som integrerer kliniske/praktiske ferdigheiter med teoretisk kunnskap for å kvalifisere studentane til arbeid med personar med nevrologisk betinga funksjonsutfordringar i alle delar av rehabiliteringskjeda. Utdanninga fokuserer på kunnskapsbaserte, individualiserte undersøkjingsmetodar og utforsking av endring i rørslekontroll gjennom ‘hands-on'-interaksjon, tilpassing av oppgåve og miljø. Ulike rehabiliteringstilnærmingar for å optimalisere funksjon, aktivitet og deltaking blir utforska praktisk og forankra teoretisk gjennom integrering av ulike typar teoretiske perspektiv.

Stillinga vil ha kontorstad ved campus Bodø. Fagmiljøet ved Nord universitet er fordelt på fleire studiestader, så samarbeid mellom vitskapleg tilsette ved fakultetet er viktig uansett geografisk plassering . Stillinga inngår i eit tverrfagleg miljø ved fakultetet og kan innebere arbeidsoppgåver ved Nord universitet sine øvrige studiestader.

Arbeidsoppgåver

• Stillinga inneber undervisning og rettleiingsoppgåver hovedsakelig på masternivå, men også på bachelorprogramma våre.
• Den som blir tilsett skal bidra i teoretisk, praktisk og klinisk undervisning innan fagområdet nevrologisk rehabilitering.
• Det er også ønskjeleg at personen som blir tilsett bidrar i undervisning knytt til fysisk aktivitet, arbeid og helse.
• Stillinga er tillagt undervisning, og pedagogisk utviklingsarbeid, samt formidling.
• Det er føresett at den som blir tilsett bidrar i utviklinga av fagmiljøet ved fakultetet, saman med kollegaer.

Kvalifikasjonskrav

• Norsk doktorgrad innanfor relevant fagområde eller tilsvarande utanlandsk doktorgrad som er godkjend som likeverdig med den norske, eller kompetanse på tilsvarande nivå dokumentert ved vitskapleg produksjon av same omfang og kvalitet.
• Profesjonsutdanning som fysioterapeut og autorisasjon.
• Søkjarar må dokumentere at dei har grunnleggjande ferdigheiter innan planlegging, gjennomføring, evaluering og utvikling av undervising og rettleiing.
  Nord universitet har eigne vilkår for utdanningsfagleg kompetanse, sjå meir informasjon på Nords nettsider (https://eur01.safelinks.protection.outlook.com/?url=https%3A%2F%2Fwww.nord.no%2Fno%2Fom-oss%2Fledige-stillinger%2FSider%2Fdefault.aspx%23!%26acd%3D48ea1473-36a5-0732-3340-095dc76ab4fc&data=04%7C01%7Cbodil.b.aase%40nord.no%7C94191cec8d6d4b35ebc208d978e93245%7Cfed13d9f21df485d909a231f3c6d16f0%7C1%7C0%7C637673765229331074%7CUnknown%7CTWFpbGZsb3d8eyJWIjoiMC4wLjAwMDAiLCJQIjoiV2luMzIiLCJBTiI6Ik1haWwiLCJXVCI6Mn0%3D%7C1000&sdata=KiSOz9O2F1w92rD0C2fcWQRpNN236VB7OPIIfufQrbA%3D&reserved=0). Søkjarar som ved tilsetjing ikkje kan dokumentere tilstrekkeleg utdanningsfagleg kompetanse, må skaffe seg denne kompetansen i løpet av ein toårsperiode. Nord universitet tilbyd eit emne i universitetspedagogikk som dekkjer dette kravet.
• God munnleg og skriftleg framstillingsevne i norsk (ev. skandinavisk språk) og engelsk.

Ved vurdering og rangering av kvalifiserte søkjarar vil det bli lagt vekt på

• Forsking-, utviklingsarbeid og undervisningserfaring innanfor nevrologisk rehabilitering og/eller nevrologisk fysioterapi
• Klinisk og praktisk kompetanse som spesialist i nevrologisk fysioterapi
• Publikasjonar dei siste fem åra vil bli vektlagt
• Erfaring med internasjonale forskingsnettverk og prosjekt med ekstern finansiering
• Erfaring frå undervisning og rettleiing på bachelor- og masternivå frå universitets- og høgskulesektoren
• Pedagogiske kvalifikasjonar frå høgskule, universitet eller tilsvarande
• Relevant yrkespraksis
• God evne til å kommunisere og samarbeide med studentar og kollegaer
• Personlege eigenskapar som kan bidra positivt til arbeidsmiljøet

Vi tilbyr

Stillinga blir løna etter Statens regulativ, kode 1011 for førsteamanuensis. Løn etter avtale. Frå løna går lovfesta innskot til Statens pensjonskasse.

• God låne-, forsikrings-, og pensjonsordning i Statens pensjonskasse (http://www.spk.no/)
• Kreativt og kollegialt arbeidsmiljø
• Ein arbeidsplass i stadig utvikling
• Fleksibel arbeidstid
• Aktivt bedriftsidrettslag

Generell informasjon

Den som blir tilsett, må rette seg etter dei lover, avtalar og instruksar som til ei kvar tid gjeld for stillinga. Det blir teke atterhald om endring i ansvars- og arbeidsområde som følgje av framtidig organisasjonsutvikling og omorganisering ved Nord universitet.

Den statlege arbeidsstyrken skal i størst mogleg grad spegle mangfaldet i befolkninga. Nord universitet oppfordrar difor kvalifiserte kandidatar med nedsett funksjonsevne, hol i CV-en, innvandrarbakgrunn og elles ulik livserfaring til å søke. 

Opplysingar om nedsett funksjonsevne eller hol i CV kan bli brukte til anonymiserte registreringsføremål.

Kontakt

Nærare opplysing om stillinga får ein ved å ta kontakt med:

• Faggruppeleiar Ingunn Skjesol, ingunn.skjesol@nord.no tlf: +47 74 21 23 29

Søknadsprosessen

Søkjarar vil bli vurderte av ein sakkunnig vurderingskomite. Aktuelle kandidatar vil bli kalla inn til intervju og evt. prøveførelesing.

Søknad

Søknadsfrist: 18. mars 2025.

Den elektroniske søknaden skal innehalde:

• Søknadsbrev
• Fullstendig curriculum vitae
• Kopi av vitnemål, attestar og spesialistgodkjenning
• Fullstendige kopiar av eit utval på inntil 15 av dei mest relevante publikasjonane til søkjaren, og ei liste over desse. Vi bed søkjarane prioritere dei 5 viktigaste arbeida sine, og kommentere prioriteringa. Doktorgradsavhandling skal leggjast ved som eitt av disse arbeida.
• Utdanningsfaglig CV og refleksjonsnotat ihht utfyllande bestemmelsar for utdanningsfaglig kompetanse
• Dokumentasjon på annan aktivitet som vurderast som relevant for stillinga, og som er ønskt teken med i vurderinga
• Dersom aktuelt må utdanning frå land utanfor EU/EØS dokumenterast som godkjent i Noreg.
• Kontaktinformasjon til 2-3 referansepersonar

All dokumentasjon som det skal takast omsyn til, skal lastast opp som vedlegg til søknaden.

Fullstendig elektronisk dokumentasjon skal sendast inn innan søknadsfristen.

Etter at søknadsfristen er gått ut blir det utarbeidd ei offentleg søkjarliste. Vi gjer merksam på at opplysingar om søkjaren kan offentleggjerast sjølv etter ønskje om å bli utelaten frå søkjarlista. Søkjarar som likevel bed om konfidensialitet, skal grunngje dette særskilt i søknaden. Søkjarane vil i så fall bli varsla på førehand om offentleggjering.

Ref.nr. 30233434