Leiar for Bedriftshelsetenesta ved UiB

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://youtu.be/vtJLmcUJ3-w

Leiar for Bedriftshelsetenesta ved UiB

Bedriftshelsetenesta (BHT) ved UiB har ledig stilling som leiar. Bedriftshelsetenesta er ei internordning og består i dag av lege, 2 sjukepleiarar, yrkeshygienikar, fysioterapeut, psykolog og leiar. Bedriftshelsetenesta er organisert som ei eiga eining under HR-avdelinga.

Hovudoppgåva til BHT er å bistå universitetet i det systematiske HMS-arbeidet retta mot arbeidsmiljø, organisasjon og enkeltindivid. Det er lagt til rette for eit godt tverrfagleg samarbeid med fagleg breidde innan relevant helsefagleg, teknisk og organisatorisk kompetanse i eit internasjonalt arbeidsmiljø. Leiaren er ansvarleg for den daglege drifta av Bedriftshelsetenesta ved UiB, og har personal- og økonomiansvar.

Vi ser etter deg som har erfaring, interesse og engasjement for helsefremjande og førebyggjande arbeidsmiljøarbeid, både på organisasjonsnivå og mot enkeltindivid.

Arbeidsoppgåver:

• Overordna ansvar for utvikling og drift av bedriftshelsetenesta
• Personal-, budsjett- og resultatansvar
• Sikre at tenestene oppfyller lovpålagde krav og standardar
• Utvikle og implementere strategiar for førebyggjande helsearbeid i samarbeid med HR-avdelinga og universitetsleiinga
• Samarbeide med dei ulike einingane på universitetet for å tilpasse tenester etter deira behov
• Bistå organisasjonen i det systematiske HMS-arbeidet
• Bistå leiarar i saker som omhandlar arbeidsmiljø, sjukefråværsoppfølging og inkluderande arbeidsliv
• Kurs og undervisning
• Andre arbeidsoppgåver kan bli aktuelle

Kvalifikasjonar og eigenskapar:

• Helsefagleg utdanning på mastergradsnivå. Lang, relevant praksis kombinert med relevant etter- og vidareutdanning kan i særskilte høve kompensere for manglande formell utdanning
• Leiareigenskapar og evne til sjølvstendig og resultatorientert arbeid vert vektlagt
• Krav til erfaring frå bedriftshelseteneste eller systematisk HMS-arbeid
• God kjennskap til relevant lovverk og forskrifter
• Erfaring med kursverksemd er ønskjeleg
• Det er krav om god munnleg og skriftleg framstillingsevne på norsk og engelsk
• Arbeidsoppgåvene stiller store krav til sjølvstende, initiativ og samarbeids- og kommunikasjonsevner. Personlege eigenskapar vil bli tillagt vekt.

Vi kan tilby:

• Eit spennande fagmiljø med stor fagleg breidde
• Moglegheit til fagleg og personleg utvikling
• Stilling som kontorsjef (kode 1054). Løn kr 790.000 - 840.000. i det statlege lønsregulativet. For særleg kvalifiserte søkjarar kan det verte aktuelt å vurdere høgare løn.
• Medlemsskap i Statens pensjonskasse
• Gode velferdsordningar (https://www.uib.no/foransatte/17399/velferd)

Generell informasjon:

Utfyllande opplysningar om stillinga kan ein få ved å kontakte kontorsjef Bente Nilsen Hordvik på telefon 952 20 904 eller e-post: bente.hordvik@uib.no

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Universitetet i Bergen arbeider målbevisst for økt likestilling og vektlegger kjønnsbalanse og mangfold i ledergruppene. Kunnskap om og resultater fra aktivt likestillings- og mangfoldsarbeid tillegges vekt ved rekruttering av ledere.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her (https://www.uib.no/hr/74251/ansettelsesprosessen).