Medarbeidar til lager og varemottak

Hospitaldrift er ei av avdelingane i Drift/teknisk Divisjon i Helse Bergen HF, og leverer ikkje-medisinske tenester og -produkt til føretaket. Mellom anna leverer Hospitaldrift pasienttransport og andre interne transporttenester, mat til pasientar, pårørande og tilsette, reine tekstilar og senger, dagleg reinhald og andre reinhaldstenester, tryggleikstenester og sentrabordtenester.

Hospitaldrift har 8 einingar og om lag 750 medarbeidarar. Hospitaldrift matforsyning er ei av einingane. Eininga har om lag 170 tilsette fordelt på 120 årsverk, og forvaltar årleg om lag 160 mill. kroner. Eininga har som hovudoppgåve å ivareta produksjon, utvikling og distribusjon av mat til pasientar, pårørande og tilsette ved Haukeland universitetssjukehus. Sentralkjøkkenet har eit nytt og avansert produksjonsanlegg, dagleg produserer vi nærare 3.000 porsjonar varm mat.

Vi har no ledig 100% fast stilling som medarbeidar til lager og varemottak ved sentralkjøkkenet på Haukeland universitetssjukehus. Stillinga inneber arbeid på dagtid, måndag til fredag.

Arbeidsoppgåver

• Varemottak og kvalitetskontroll
• Vareplassering
• Plukke, pakke og utsending av varer
• Halde orden på lager
• Reinhald
• Anna forefallende arbeid som naturleg fell innanfor kjøkkendrift

Kvalifikasjonar

• Gode kommunikasjonsevner på norsk, både skriftleg og munnleg. Språkleg kunnskapsnivå må kunne dokumenterast
• Erfaring frå institusjonskjøkken ein fordel
• Kjennskap til IK-mat
• Serviceinnstilt og imøtekommande
• Datakunnskapar
• Søkarar med fagbrev i logistikk-faget vil bli prioriterte

Personlege eigenskapar

• God orden og evne til å jobbe både sjølvstendig og i team
• Strukturert og nøyaktig
• Vere fleksibel og kunne arbeide i eit hektisk miljø
• Fagleg interesse og engasjement
• Evne til å arbeide målretta med arbeidsoppgåver
• Arbeidet er fysisk krevjande

Vi tilbyr

• Spennande arbeidsplass der eit av våre satsingsområde er: "MAT SOM MEDISIN"
• Lønn i samsvar med gjeldande overeinskomst
• Ein arbeidsplass som er ei inkluderande arbeidsliv-bedrift (IA-bedrift)
• Gode pensjons- og forsikringsordningar
• Triveleg arbeidsmiljø
• Høgt fagleg nivå

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.