Rådgjevar for bedriftsmarknaden i Voss Sparebank – 100 % fast stilling

Drøymer du om ein jobb innan bank/finans på Voss? No har du ein sjeldan sjanse til å få jobb i Voss Sparebank som bedriftsrådgjevar. Me ser etter deg som ynskjer å gje våre bedriftskundar god rådgjeving og oppfylging, som kjenner vår lokale marknad, og som kan vera god samtalepartnar for kunden over tid. Di rolle er å bidra til at våre kundar kan lukkast med å gjennomføre sine gode planar og investeringar på ein best mogleg måte.

Sentrale arbeidsoppgåver:

• Selskapsvurdering og utarbeiding av kredittsaker
• Utarbeida gode kredittanalysar for bruk i beslutningsprosessar
• Ved bruk av eigen fagkompetanse, tilby gode løysingar som gjev meirverdi for kunden.
• Utarbeiding og framlegging av tilbod, løysingsforslag m.a. innan kreditt og leasing.
• Ansvar for eigen kundeportefølje og utvikling av denne. Mykje kundekontakt, både på telefon, e-post, Teams og fysiske møter.
• Strukturert oppfylging og rådgjeving til eksisterande kundeportefølje på Voss, samt proaktivt arbeid mot nye kundar.
• Relasjonsbygging med både fysisk og digital kundedialog

Kvalifikasjonar:

• Du har høgskuleutdanning innan økonomi og god forståing for kredittfaget (erfaring kan kompensera for utdanning).
• Du har god rekneskapsforståing og innsikt i bedriftsøkonomisk analyse.
• Du arbeider ryddig, nøyaktig og systematisk
• Du har god skriftleg og munnleg kommunikasjonsevne, og skriv godt nynorsk
• Du trivst godt når du får snakka med kundar.
• Det er eit pluss om du har autorisasjonar frå FinAut. Om du ikkje har det, må du vera motivert for å gjennomføra autorisasjon i kreditt.

Personlege eigenskapar me legg vekt på:

• Du er god til å skapa tillit hjå kunden.
• Du lærer fort og tek i bruk nye prosessar og digitale løysingar.
• Du er strukturert, har godt humør og er ein god kollega.
• Du er prestasjonsorientert og ynskjer å skapa resultat for banken.
• Du har pågangsmot og er løysingsorientert

Me tilbyr

• Ein solid og trygg arbeidsplass på Voss.
• Varierande oppgåver, samt eit dynamisk og triveleg arbeidsmiljø
• Kontor i ljose og moderne lokaler på Vangen.
• Gode låne-, pensjons- og forsikringsordningar.
• Bedriftsidrettslag og treningsrom.

Spørsmål

Har du spørsmål om stillinga, ta kontakt med:

Leiar bedriftsmarknad Kurt Arild Midtun: 479 30 327

Adm banksjef Jørund Rong: 479 30 335

Ynskjer du å bli vår nye rådgjevar for bedriftsmarknaden på Voss fyller du ut og sender Finn søknadsskjema eller sender ein kortfatta søknad med CV til Voss Sparebank på e-post: kam@vossabanken.no (mrk: «Bedriftsrådgjevar» i emnefeltet)

Søknadsfrist er 21.03.2025