Ledig stilling som operatør ved TINE anlegg Byrkjelo

Ved TINE anlegg Byrkjelo har vi ledig fast stilling som operatør. Oppstart så raskt som mogleg. Stillinga inngår pr. dags dato i 2-skiftsordning.

Vi tilbyr ei unik moglegheit til å utvikle dine ferdigheiter i eit sterkt fagmiljø. Kandidaten vi søkjer er ansvarsfull, nøyaktig og tek HMS og matsikkerhet på alvor.

TINE Byrkjelo produserer kvitost og brunost. Vi er eitt av Noregs største ostemeierier, og er ei innovativ næringsmiddelbedrift med spanande utfordringar og moglegheiter. Produksjonsvolumet er på om lag 17000 tonn årleg, og vi er rundt 100 tilsette. Byrkjelo ligger i Gloppen kommune i Vestland.

TINE foredlar ein unik råvare for den norske bonden for igjen å skape produkt av høg kvalitet til det norske folket. For å få til dette krevst det menneske som jobbar saman i eit sterkt fagmiljø med godt humør, høg læringsvilje samt evne til å gjennomføre det som er avtalt. I tillegg krevst det at maskinparken og prosessutstyret får god teknisk oppfølging og blir drifta med kjærleik.

Arbeidsoppgaver

• Flytting og utekspedering av ost
• Mottak og sending av varer
• Vask og reinhald
  
• Andre arbeidsoppgåver kan verte aktuelt

Kvalifikasjoner

• Fagbrev innan logisitikk er ein fordel
• Teknisk forståing og grunnleggande datakunnskapar
• Truckførarsertifikat er nødvendig og opplæring må påregnes dersom dette mangler
• Må meistre norsk munnleg og skriftleg

Personlige egenskaper

• Du er engasjert, samarbeidsvillig og fleksibel
• Du er sjølvstendig og ansvarsfull
  
• Du er kvalitetsbevisst og nøyaktig
  

Vi tilbyr

• Triveleg arbeidsmiljø
  
• Mogelegheit for å ta fagbrev/vidareutdanning
• Mogelegheit for opplæring på fleire avdelingar
• Løn etter tariff
• Gode pensjons- og forsikringsordningar
• Kantine
• Tilpassa opplæring

Vi foretek bakgrunnssjekk av søkjarar for å verifisere opplysningar som framgår av CV og tilgjengeleg dokumentasjon. Bakgrunnssjekk gjennomførast ikkje utan samtykke fra søkjaren og aktuelle søkjarar vil motta nærare informasjon om dette.

Har du lyst til å vite meir? Ta gjerne kontakt med produksjonsleder Aslak Johnsen på telefon 90 53 92 37 for ein uforpliktende og konfidensiell prat, eller søk i dag ved å sende CV og søknad via vårt elektroniske rekrutteringssystem.

Sjå òg filmen: Saman skaper vi eit levande Norge: https://vimeo.com/592126700